Qazaqstan 2027 jyly energııadan tapshylyq kórip otyrǵan elder qatarynan shyǵady
ASTANA. KAZINFORM - 2026 jyly Qazaqstanda 173 MVt-tyq JEK nysandaryn qosa alǵanda, shamamen 2,6 GVt jańa qýat kózi iske qosylatyn bolady, dep habarlaıdy Úkimettiń baspasóz qyzmeti.
Negizgi jobalar:
«Tekeli energııa kesheni» JShS qýaty 17 MVt bolatyn 3 joıý qazandyǵy men bý týrbınasyn iske qosýdy josparlap otyr, merzimi – 2026 jyldyń maýsymy.
«Atyraý JEO» JShS №11 týrboagregat pen №15 qazandyqty paıdalanýǵa beredi, qýaty: 59,6 MVt, merzimi – 2026 jyldyń jeltoqsany.
Qyzylorda oblysynda 2026 jyldyń tamyzynda 240 MVt-tyq bý-gazdy qondyrǵy (BGQ);
Túrkistan oblysynda 2026 jyldyń jeltoqsanynda 1000 MVt-tyq bý-gazdy qondyrǵy (BGQ);
Almaty qalasyndaǵy JEO-2-de 2026 jyldyń jeltoqsanynda 557 MVt-tyq bý-gazdy qondyrǵy (BGQ); Almaty qalasyndaǵy JEO-3-te 2026 jyldyń jeltoqsanynda 544 MVt-tyq bý-gazdy qondyrǵy (BGQ) paıdalanýǵa beriledi.
Sondaı-aq 2026 jyldyń jeltoqsanynda jalpy qýaty 173 MVt bolatyn JEK nysandary iske qosylmaq.
- 2027 jyldyń І toqsanyna qaraı Qazaqstan energııamen tolyqtaı qamtylyp, energııadan tapshylyq kórip otyrǵan elder qatarynan shyǵady, - delingen habarlamada.
Osyǵan dein Premer-mınıstr atom energetıkasy salasyndaǵy jobalardy baqylaýda ustaýdy tapsyrǵan bolatyn.