Qazaqstan 2026 jylǵa qaraı fosfor men azot tyńaıtqyshtaryn ózi óndiretin bolady

NUR-SULTAN. QazAqparat – Qazaqstan 2026 jylǵa qaraı fosfor men azot tyńaıtqyshtaryn tolyq ózi óndiretin bolady. Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev osnydaı josparyn ortaǵa saldy, dep habarlaıdy QazAqparat tilshisi.

«Búginde fosforıt ken oryndary boıynsha «Qazfosfat», «EvroHım-Tyńaıtqyshtar» jáne «Sozaq fosfat» jaýapkershiligi shekteýli seriktestikteri jumys istep jatyr. Óndirýdiń jıyntyq kólemi 4 mln tonna bolmaq. Kalıı tyńaıtqyshtary boıynsha 4 ken orny bar, olardyń úsheýi Batys Qazaqstan oblysynda jáne bireýi Aqtóbe oblysynda.

Biz bıyldan bastap 2026 jylǵa qaraı ishki naryqtyń fosfor jáne azot tyńaıtqyshtaryna qajettiligin tolyǵymen óteıtin jobalardy bastaımyz»,- dedi mınıstr.

Sondaı-aq, búgingi Úkimet otyrysynda Samuryq-Qazyna qorynyń mıssııasy qaıta qaralady.

«Kvazımemlekettik sektordyń rólin qaıta qaraý sheńberinde memlekettik menshikti basqarýdy jetildirý jáne «Samuryq-Qazyna» qoryn reformalaý boıynsha jumys júrgizilip jatyr. Osy baǵyt boıynsha memleket qatysýynyń naqty ólshemi kvazımemlekettik sektor sýbektileriniń jańa synyptamasy, sondaı-aq korporatıvtik basqarýdyń jańa uıymdastyrýshylyq nysandary men modelderi aıqyndalady», - dedi ol.

Foto: agronews.ua