Qazaqstan Kaspıı aıdynyna 700 tonnalyq áskerı keme shyǵarady
AQTAÝ. KAZINFORM - Oral qalasyndaǵy “Zenıt” zaýyty 2026 jyly Kaspıı aıdynyna tuńǵysh qazaqstandyq kópfýnktsıonaldy kemeni shyǵarmaqshy. Bul týraly atalǵan kásiporynnyń bas dırektory Qadyrjan Muqanov Aqtaýdaǵy Teńiz áskerı kúshteriniń týy kóterilgenine 28 jyl tolýyna arnalǵan merekelik jıyn kezinde málim etti.
“Bul zaýyt keıingi 33 jyldyń ishinde 34 keme shyǵardy. Onyń bárin Kaspıı aıdynynda qyzmet óteıtin teńiz shekarashylary, áskerı teńiz kúshteri jumysynda qoldanyp júr. Biz Qazaqstan qarýly kúshteriniń, sonyń ishinde áskerı teńiz kúshteriniń qyzmetine qajet keme shyǵarýmen ǵana aınalysamyz. ıAǵnı, eksportqa eshteńe óndirmeımiz”, - deıdi zaýyt basshysy.
Kásiporyn aldaǵy eki jylda kemeniń jańa túrin jasap shyǵarmaqshy.
“Áskerı teńiz kúshteriniń jańa jobasyn iske asyrmaqshymyz. 700 tonnalyq kópfýnktsıaly keme qurastyryp jatyrmyz. 2026 jyly aıdynǵa shyǵaramyz degen jospar bar. Qazir Eýropanyń, Ońtústik Koreıanyń kemeleri ozyq tehonologııamen jabdyqtalǵan. Biz de óz kemelerimizdi jasaǵan kezde sol tájirıbklerdi basshylyqqa alyp otyramyz”, - deıdi Qadyrjan Muqanov.
