Qazaqstan 2026 jyly qandaı halyqaralyq áýe baǵyttardy iske qosady
ASTANA. KAZINFORM — Qazaqstan halyqaralyq áýe qatynasyn kezeń-kezeńimen damytýdy bıyl da jalǵastyrady. Aldaǵy ýaqytta Azııa, Taıaý Shyǵys jáne Eýropa elderin qamtıyn birqatar jańa baǵytty ashý jáne qaıta jańalaý josparlanyp otyr, dep habarlaıdy Kólik mınıstrliginiń baspasóz qyzmeti.
Vedomstvo derekterine sáıkes, ushý aýmaǵyn keńeıtý otandyq áýekompanııalary jáne sheteldik tasymaldaýshylar esebinen qamtamasyz etiletin bolady.
SCAT áýekompanııasy Shymkent qalasynan kelesi reısterdi bastaıdy:
Bishkek (Qyrǵyzstan) –29 naýryzdan;
Novosibir (Reseı) -19 mamyrdan;
Sankt Peterbýrg (Reseı) -1 maýsymnan;
Tel-Avıv (Izraıl) — 9 masymnan.
Air Astana halyqaralyq jelisin kelesi baǵyttarmen keńeıtedi:
Almaty — Shanhaı (Qytaı) — 29 naýryzdan;
Astana — Gýanchjoý (Qytaı) — 2 maýsymnan;
Almaty — Larnaka (Kıpr) — 2 maýsymnan 5 qyrkúıekke deıin (maýsymdyq);
Astana — Larnaka (Kıpr) — 4 maýsymnan 6 qyrkúıekke deıin (maýsymdyq);
Almaty — Dalaman (Túrkııa) — kóktemgi-jazǵy navıgatsııa kezeńinde;
Almaty — Salala (Iordanııa) — 9 naýryzdan;
Astana — Salala (Iordanııa) — 9 naýryzdan.
Sonymen qatar, 2026 jyly Almaty — Tokıo (Japonııa) baǵytyn ashý múmkindigi qarastyrylyp jatyr.
FlyArystan kelesi reısterdi iske qosady:
Almaty — Samarqand (Ózbekstan) — 17 naýryzdan;
Almaty — Sıan (Qytaı) — maýsym aıynda (slottardy kelisý kútilýde);
Aqtaý — Úrimshi (Qytaı) — maýsym aıynda.
Sondaı-aq Almaty — Er-Rııad (Saýd Arabııasy) baǵytyn ashý josparlanýda.
Sheteldik tasymaldaýshylar arasynda:
LOT Polish Airlines Almaty — Varshava reısin 31 mamyrdan ashady;
Air Arabia Dammam Almaty — Dammam (Saýd Arabııasy) reısin iske qosýdy josparlap otyr;
Royal Jordanian Almaty — Amman (Iordanııa) reısin oryndaý múmkindigin qarastyrýda.
— Jańa marshrýttar saýda-ekonomıkalyq, týrıstik jáne mádenı baılanystardy nyǵaıtýǵa, sondaı-aq aldaǵy ýaqytta Qazaqstannyń jahandyq kólik júıesine yqpaldasýyna áserin tıgizedi dep kútiledi. Marshrýttyq jelini keńeıtý kólik baılanysyn arttyrýǵa jáne Qazaqstannyń óńirlik avıatsııalyq hab retindegi pozıtsııasyn nyǵaıtýǵa baǵyttalǵan azamattyq avıatsııany damytýdyń strategııalyq mindetterin iske asyrý jónindegi júıeli jumystyń bir bóligi sanalady, — delingen vedomstvo habarlamasynda.
Buǵan deıin qazaqstandyq áýe kompanııalary bıyl 9 ushaq satyp alatyny anyqtaldy.