Qazaqstan 2026 jyly 40 elmen halyqaralyq avtojúk tasymaly kvotasyn kelisip qoıdy

ASTANA. KAZINFORM — Búgingi kúni otandyq tasymaldaýshylar álemniń 42 elimen jasalǵan avtomobıl kóligi týraly úkimetaralyq kelisimder aıasynda júk tasymaldaryn júzege asyryp keledi. Bul týraly Kólik mınıstrliginiń baspasóz qyzmeti habarlady.

— Atalǵan kelisimderdiń 33-i júk tasymalyna tolyq ruqsat berý júıesin kózdeıdi, 8-i tek úshinshi elderge jáne úshinshi elderden júk tasymaldaý úshin ruqsat berý júıesin qarastyrady (Reseı Federatsııasy, Belarýs Respýblıkasy, Ózbekstan Respýblıkasy, Qyrǵyz Respýblıkasy, Armenııa, Rýmynııa, Serbııa, Iran (kelisimge qol qoıylǵan)), al 2-i kólik quraldarynyń tolyq ruqsatsyz ótýin kózdeıdi (Tájikstan, Túrikmenstan (kelisimge qol qoıylǵan)). Osyǵan baılanysty jyl saıyn halyqaralyq avtomobıl tasymaldary naryǵyndaǵy otandyq múddelerdi eskere otyryp, sheteldik ýákiletti organdarmen ruqsat blankilerin almasý júzege asyrylady. Bul blankiler avtomattandyrylǵan júıe arqyly bólinip, ótinimder negizinde otandyq tasymaldaýshylarǵa beriledi, — delingen mınıstrlik habarlamasynda.

Vedomstvo málimetine qaraǵanda, osylaısha, 2026 jylǵa 40 memleketpen shamamen 150 myń ruqsat blankisin almasý jóninde aldyn ala kvota kelisildi. Bul baǵyttaǵy jumys kelesi jyly da jalǵasyn tabady.

Budan buryn EAEO júk tasymalyn qadaǵalaý júıesin engizetinin jazǵanbyz.