Qazaqstan 2026 jylǵy jasóspirimder Olımpıadasynda óner kórsetýdi bastady
ASTANA. KAZINFORM — Qazaqstan quramasy jaǵajaı voleıbolynan Dakarda (Senegal) ótip jatqan IV jazǵy jasóspirimder Olımpıadasyndaǵy alǵashqy jeńisine qol jetkizdi.
Álıhan Aǵabek pen Orazaly Saǵynysh jasóspirimder Olımpıadasynda alǵashqy kezdesýin ótkizdi. Olar jarystyń alǵashqy oıynynda Vafı Ál-Djasır men Alı Ál-Avamımen (Saýd Arabııasy) kezdesti.
Qazaqstandyq sportshylar S tobyndaǵy kezdesýde 2:0 (21:13, 21:7) esebimen jeńiske jetti.
Aıta keteıik, Álıhan Aǵabek pen Orazaly Saǵynysh 2025 jyly Bahreınde ótken jasóspirimder arasyndaǵy Azııa oıyndarynyń chempıony.
2026 jylǵy jasóspirimder Olımpıadasynyń ashylý saltanaty búgin, 31 qazanda ótedi.
Eske salaıyq, buǵan deıin Senegaldyń Dakar qalasynda ótetin IV jazǵy jasóspirimder Olımpıadasynyń ashylý saltanatynda Qazaqstan quramasynyń týyn dzıýdoshy Fatıma Supyǵalıeva men voleıbolshy Álıhan Aǵabek ustap shyǵatynyn jazǵanbyz.
