Qazaqstan 2026 jylǵy Azııanyń eń úzdik 4 qysqy baǵytyna qosyldy
ASTANA. KAZINFORM - Agoda tsıfrlyq týrıstik platformasy Almaty qalasyn Azııanyń 2026 jylǵy úzdik qysqy kýrorttyq baǵyttary qataryna qosty, dep habarlaıdy Kazakh Tourism.
Bul tizimde Qazaqstanmen qatar Japonııadaǵy Nıseko, Úndistandaǵy Gýlmarg jáne Ońtústik Koreıadaǵy Phenchhan kýrorttary bar.
Almaty dınamıkalyq týrıstik baǵyt retinde erekshelenedi jáne saıahatshylardy zamanaýı qalalyq múmkindikter, kórkem tabıǵı landshafttar jáne baı mádenı ómirdiń úılesimimen tartady.
Agoda sarapshylarynyń pikirinshe, Azııadaǵy qysqy kýrorttar týrısterge tabıǵı ádemilik, ınfraqurylym jáne mádenı ártúrliliktiń biregeı úılesimin usynady.
Agoda - Ońtústik-Shyǵys Azııada tanymal sandyq týrıstik platforma jáne Booking Holdings korporatsııasyna kiredi. Servıs 6 mıllıonnan astam qonaqúı men týroperatordy, 130 000 astam áýe baǵytyn jáne 300 000 astam is-sharany usynady.
Osyǵan deıin Astananyń Eýropanyń qoljetimdi týrızm jelisine resmı túrde qosylǵany týraly jazdyq.