2026 jylǵa arnalǵan qandastardy qabyldaýdyń óńirlik kvotasy bekitildi
ASTANA. KAZINFORM — Qazaqstan Respýblıkasy Eńbek jáne halyqty áleýmettik qorǵaý mınıstriniń mindetin atqarýshy 2025 jylǵy 12 jeltoqsanda 2026 jylǵa arnalǵan qandastar men qonys aýdarýshylardy qabyldaýdyń óńirlik kvotalaryn aıqyndaıtyn buıryqqa qol qoıdy.
2026 jylǵa tómendegideı óńirlik kvotalar belgilendi:
-
qandastardy qabyldaýdyń óńirlik kvotasy – 2 281 adam;
-
qonys aýdarýshylardy qabyldaýdyń óńirlik kvotasy – 5 997 adam.
Atalǵan buıryq 2025 jylǵy 24 jeltoqsannan bastap kúshine enedi.
Aıta keteıik, 2025 jyly qandastar men qonys aýdarýshylardy qabyldaýǵa arnalǵan óńirlik kvota 9 653 adamdy qurady. Onyń ishinde 2 309 adam qandastarǵa, al 7 344 adam qonys aýdarýshylarǵa arnalǵan bolatyn.
Buǵan deıin Qazaqstannyń ońtústik óńirlerinen soltústikke qonys aýdarǵan azamattardyń bir bóligi keri qaıtqany týraly habarlanǵan edi.
Sondaı-aq eske sala ketsek, múgedektigi bar adamdar men qandastar bıznesin damytý úshin grant ala alady. Bul granttar qaıtarymsyz negizde beriledi jáne jańa bıznesti iske qosý men damytýǵa baǵyttalǵan.
Eńbek mınıstrligi 2030 jylǵa deıingi kóshi-qon saıasaty tujyrymdamasy jobasyn ázirledi.
