Qazaqstan 2025 jyldan bastap plastık paketterge tyıym salady
«Negizinde plastıkti de ekige bólip qarastyrý kerek. Birinshisi plastıkalyq paketter. Bul búgingi kúngi eń úlken problemalardyń birine aınalyp otyr. Ony kópten beri aıtyp ta kelemiz. Elimizde kúnine 15 mıllıon paket dúkenderde tegin taratylady. Al olar nebári 20 mınýt qana qoldanysta bolyp, keıin polıgondarda kómiledi. Muny toqtatý úshin sarapshylarmen birge zertteý júrgizdik. Eger dúkenderde mundaı paketterdi tegin emes 5 teńge, 10 teńgege bolsyn aqshaǵa satsaq, onda onyń kólemi keminde 50-70 paıyzǵa azaıady. Bul tsıfr oıdan shyǵarylǵan joq. Kórshiles elderde osyndaı. Biz barlyq tájirıbeni zerttedik. 2025 jyldan keıin plastık paketterge tyıym salýǵa bolady dep oılaımyz», - dedi mınıstr QR Prezıdenti janyndaǵy Adam quqyqtary jónindegi komıssııa otyrysy aıasynda BAQ ókilderine bergen suhbatynda.
Sebebi, onyń aıtýynsha, sol ýaqytqa deıin qoǵam daıyn bolýy qajet.
«Al plastıkalyq ydysqa qatysty aıtar bolsaq, qazir bizde oǵan balama joq. Degenmen, sarapshylarmen ne isteýge bolatyndyǵyn, onyń sanyn qalaı azaıtý kerektigin zerdelep jatyrmyz. Jalpy, mundaı ózgerister halyqqa birden áserin tıgizedi. Sondyqtan bul máseleni halyqpen aqyldasa otyryp sheshý qajet», - dedi ol.
Maǵzum Myrzaǵalıevtyń atap ótýinshe, aldaǵy aıda Májilistiń qaraýyna engiziletin jańa Ekologııalyq kodekste plastıkalyq ydystarǵa tyıym salý máselesi qarastyrylmaǵan. Degenmen, plastık paketterge qatysty normalar bar.
