15:15, 31 Qazan 2024 | GMT +6

Qazaqstan 2025 jyly ǵaryshqa óz zymyranyn ushyrady

Израиль тарихта алғаш рет ғарыштағы зымыранды құлатты — Фото: Midjourney

ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Senattyń jalpy otyrysynda 2025 jyly ǵaryshqa otandyq zymyran ushyrý josparda turǵanyn aıtty.

«Báıterek» Qazaqstan zymyran kesheniniń jobasy týraly aıtsaq, jumys qaıta jandandy. Birinshi «Soıýz-5» zymyran tasyǵyshyn ushyrý 2025 jylǵa josparlanǵan. Kommertsııalyq baǵytta zymyran ushyrý 2028 jylǵa josparlanǵan. Úsh jyl boıy testileý rejıminde zymyrandar ushyrylady», - dedi ol.

Mınıstrdiń sózinshe, qazir otandyq zymyrandy ǵaryshqa shyǵarý máselesi jan-jaqty pysyqtalyp jatyr.

«Otandyq zymyran tasyǵysh ǵaryshqa táýelsiz jol ashý quralyn qalyptastyrýǵa múmkindik beredi. Qazir zymyran tasyǵyshtyń komponentteri men materıaldaryn ázirleý jumystary júrip jatyr. Zymyrannyń qospa otynynyń prototıpi jasaldy. Meteorologııalyq zymyrandy ushyrý 2025 jylǵa josparlanǵan. Asa jeńil zymyrandy synaqtan ótkizý 2030 jylǵa belgilengen», - dedi Jaslan Mádıev.

BUU-nyń táýelsiz baǵalaýy boıynsha Qazaqstan tsıfrlandyrý salasynda alǵa ilgerilep keledi. Qazaqstan «Elektrondy úkimetter» ındeksinde 163 eldiń ishinde 24 oryn alyp, «onlaın qyzmetter» ındeksinde úzdik ondyqqa kirdi.

Osyǵan deıin Qazaqstannyń munaı-hımııa salasynda birqatar jobany qarastyryp jatqany týraly jazdyq.

Tegter:

Ғарыш ҚР Цифрлық даму, инновациялар және аэроғарыш өнеркәсібі министрлігі Сенат Жаслан Мәдиев Парламент

Сейчас читают