Qazaqstan 2024 jyly saıahattaýǵa arnalǵan úzdik álemdik destınatsııalar qataryna kirdi

ASTANA. KAZINFORM – QR Týrızm jáne sport mınıstrligi Týrızm ındýstrııasy komıtetiniń tóraǵasy Nurtas Káripbaev OKQ alańynda ótken baspasóz konferentsııasynda elimizdiń birqatar jetistikterine toqtaldy.

The New York Times nusqasy boıynsha Almaty qalasy úzdik 52 týrıstik baǵyttyń qataryna endi. Al, Conde Nast Traveller jáne Wanderlust Qazaqstandy 2024 jyly saıahattaýǵa arnalǵan úzdik álemdik destınatsııalardyń qataryna qosty. Sonymen qatar, Conde Nast Traveller Italia «Shymbulaq» taý kýrortyn TOP-5 taý shańǵysy destınatsııasyna engizgen.  

«Osy jyldyń qańtar aıynda el Úndistannyń Today nusqasy boıynsha «Úndi saıahatshylarynyń jetekshi baǵyty» ataǵyn aldy. Qazaqstan Skyscanner derekteri boıynsha Úndistan naryǵy úshin №1 destınatsııa bolyp tabylady, sondaı-aq bıyl Oraza kezinde (Eid Al Fitr) BAÁ týrısteri úshin TOP baǵyttardy basqardy. Sondaı-aq, Forwardkeys málimetteri boıynsha, Qazaqstan Qytaıdan keletin týrıster aǵynyn qalpyna keltirýdiń eń joǵary kórsetkishine ıe - ósimniń 212%-y, bul Qazaqstandy QHR azamattary úshin eń tanymal 50 týrıstik baǵyttyń qataryna qosady», - dep atap ótti spıker.