Qazaqstan 2024 jyly qandaı memleketterge gýmanıtarlyq kómek kórsetti

ASTANA. KAZINFORM - 2024 jyly Qazaqstan jibergen barlyq gýmanıtarlyq kómek KazAID arqyly kórsetildi.

Bul vedomstvo qıyn jaǵdaıǵa tap bolǵan elderge gýmanıtarlyq júkterdi jetkizýdi úılestirýmen belsendi aınalysady jáne óńirlik jáne jahandyq turaqtylyqty nyǵaıtýǵa baǵyttalǵan resmı kómekti (DRK) iske asyrýǵa járdemdesedi. 

Tájikstan 

Qazaqstan Tájikstanǵa 15 myń tonna mazýtty qosqanda, 2,5 mlrd teńgege (5,65 mln dollar) gýmanıtarlyq kómek kórsetti. Qosymsha 14 970 tonna mazýt, 80 tonna dızel otyny, 30 tonna dızel maıy, 325 tonna qaraqumyq jarmasy, 67 tonna maı, 50 000 banka sút konservileri jóneltildi.

Sondaı-aq shynjyr tabandy ekskavator satyp alý úshin 67,9 mln teńge bólindi. 

Qyrǵyzstan 

Qazaqstan Qyrǵyzstanǵa Bishkektegi JEO apatyn joıý úshin 2 000 tonna dızel otynyn, sondaı-aq 0,9 tonna makaron, 0,9 tonna qaraqumyq jarmasy, 2,25 tonna et konservileri men 0,05 tonna shaı jiberdi. Qyrǵyzstandaǵy laı tasqynynan zardap shekken Osh oblysyna Qazaqstan gýmanıtarlyq kómek retinde tasqyn saldaryn joıýǵa, halyqty qoldaýǵa jáne aýdandardy qalpyna keltirýge kómek jiberdi. 

Aýǵanstan 

Qazaqstan Aýǵanstanǵa 5 000 lıtr maı, 795 tonna kúrish jarmasy jáne 1 000 tonna birinshi surypty un jiberdi. 

Vetnam

Qazaqstan Vetnamǵa 100 000 dollar bóldi.

Aıta keteıik, QR SІM "KazAID" Qazaqstandyq halyqaralyq damý agenttigin Qazaqstan Úkimeti qurdy jáne damýǵa resmı kómek salasyndaǵy operator bolyp tabylady.

Buǵan deıin Qazaqstan Qyrǵyzstandaǵy selden zardap shekkenderge gýmanıtarlyq kómek jetkizgenin jazǵanbyz.