Qazaqstan 2023 jylǵa qaraı dári-dármek eksportyn 4 esege arttyrmaq
Buǵan otandyq kásiporyndarda shyǵarylatyn ónim kóleminiń ulǵaıýy sebep boldy. Mysaly, «Hımfarm» AQ shyǵaratyn ónim kólemin 2 esege arttyrdy. Budan bólek, kompanııa sońǵy 2 jylda eksport kólemin 2,5 esege arttyrdy. Búgingi tańda kásiporynnyń dárilik zattary Ortalyq Azııa jáne EAEO naryqtarynda keńinen suranysqa ıe. Ónimder Tájikstan, Túrikmenstan, Mońǵolııa, Reseı jáne Qyrǵyzstan sııaqty elderge eksporttalady.
Sonymen qatar bıyl Ózbekstan naryǵyn ıgere otyryp, eksportty eki esege arttyrý josparlanǵan. Budan bólek, mańyzdy bastamalardyń biri Eýropalyq odaqtyń dárilik naryǵyna shyǵý kózdelgen. Osylaısha, 2023 jylǵa qaraı eksport kólemin 4 esege, ıaǵnı 16 mlrd. teńgege deıin ulǵaıtý josparlanyp otyr.
Búginde kásiporynnyń 11 óndiristik jelide óndiriletin 9 túrli nysandaǵy 120-dan astam dárilik zattardyń ataýlary bar, al bul otandyq óndirýshiniń onnan astam emdik toptarda usynylǵanynyń kórsetkishi.
Sondaı-aq, «Dolce-Pharm» farmatsevtıkalyq kompanııasy da joǵary kórsetkishterge qol jetkizdi. Kásiporyn shyǵarylatyn ónim kólemin 5 esege arttyrdy. Kásiporyn 1998 jyly quryldy jáne 23 jyl ishinde bir ret qoldanylatyn MMB óndirý salasynda ulttyq kóshbasshy atandy. Búginde kompanııa túrli medıtsınalyq ónimderdiń 200-ge jýyq túrin shyǵarady. Óndiristik keshen Almaty oblysynda, Yntymaq aýylynda ornalasqan, onda 450 adam eńbek etedi. Zaýytta 6 óndiristik tseh bar.
