Qazaqstan 2022 jylǵy qysqy Olımpıada oıyndaryn qabyldaýǵa daıyn -Azııa Olımpıadalyq keńesiniń prezıdenti
ALMATY. 1 aqpan. QazAqparat /Erlik Erjanuly/ - Azııa Olımpıadalyq keńesiniń prezıdenti sheıh Ahmad ál-Fahd as-Sabahtyń pikirinshe, Qazaqstandaǵy 7-Qysqy Azııa oıyndary óte joǵary deńgeıde ótip jatyr. Ol bul pikirin búgin Almatyda ótken baspasóz máslıhaty kezinde aıtty.
«Astana men Almaty qalalaryndaǵy bul jarys óte joǵary deńgeıde ótip jatyr. Qazaqstan Azııa oıyndarynyń arqasynda kez-kelgen jarystardy qabyldaýǵa ázir ekenin kórsetti. 2022 jylǵy qysqy Olımpıada oıyndaryn ótkizýge Qazaqstannyń múmkindikteri mol. Qazaqstan Olımpıada oıyndaryn qabyldaýǵa daıyn», -deıdi sheıh Ahmad ál-Fahd as-Sabah.
Azııa Olımpıadalyq keńesi prezıdentiniń paıymdaýynsha, bul kórsetkishke Qazaqstan 7-Qysqy Azııa oıyndaryn joǵary deńgeıde uıymdastyrýdyń nátıjesinde qol jetkizip otyr. Ol oıyn kezinde jankúıerlerdiń reaktsııasyn da kórgen soń oǵan degen senimi de bekı túsken. Azııa Olımpıada keńesi bul baǵytta Qazaqstan Úkimetimen yqpaldasa jumys isteýge daıyn.
