«Qazaqstan 2020» atty Jalpyulttyq demokratııalyq kúshter koalıtsııasynyń músheleri zııaly qaýym ókilderimen kezdesti
Saıası partııa, úkimettik emes uıym ókilderinen qurylǵan bul top Qazaqstan prezıdenttigine úmitker Nursultan Nazarbaevty qoldaý jóninde ǵylym jáne shyǵarmashyl baǵyttaǵy zııaly qaýym ókilderimen kezdesti.
Kezdesý barysynda Prezıdenttiń Qazaqstan halqyna Joldaýynyń negizgi baǵyttary talqylandy. Bilim jáne ǵylym deńgeıin kóterýde Elbasynyń kórsetip jatqan qoldaýy aıtyldy. Qazirgi tańda atalǵan máseleler Elbasynyń nazarynda turǵany sóz etildi.
«Elbasy óner salasyna da, jazýshylar qaýymyna da jat adam emes. Ol kisiniń jazyp júrgen eńbekterin eldiń bári jaqsy biledi. Tipti óleńderi de bar. Men ǵalym retinde N.Nazarbaevtyń ındýstrııaldy-ınnovatsııalyq strategııalyq josparyna qatysty toqtalǵym keledi. Kez kelgen memleket ındýstrııasyn ósirmeı, ekonomıkasyn ósire almaıdy. Tek qana aýylsharýashylyǵy ónimimen eshbir memleket baı bolǵan emes. Olaı bolatyn bolsa, eń baı memleket Úndistan eli bolatyn edi. Olar jylyna tórt ret ónim jınaıdy. Biraq, olar kedeı elderdiń biri. Endi ǵana ekonomıkasyn jóndep keledi. Indýstrııasyn quryp otyr. Sondyqtan, Elbasynyń Qazaqstanda ındýstrııany damytý týraly baǵyty elimizdiń bolashaǵyna, ál-aýqatyna eń kerek sala. Al endi ındýstrııa salasy ǵylymsyz júre almaıdy. Sebebi, kez kelgen óndiris ǵylymı jańalyqtar engizilip otyrmasa, qalyp qoıady. Sondyqtan, ǵylymǵa da kóńil árqashan bólinýde. Mysaly, bilimge degen qarjy 5 esege, ǵylymǵa 3,5 esege kóbeıip otyr. Al, 2020 jyly ǵylymǵa degen qarjy 8 esege kóbeıedi dep josparlanýda. Qazir ǵylymǵa bólinetin qarjynyń jalpy ishki ónimi 0,26 paıyzdy quraıtyn bolsa, 2020 jyly ol 2 paıyzdy quraıtyn bolady. Bul, Eýropalyq deńgeıdegi kórsetkish degen sóz» - deıdi, QR Ulttyq ǵylym akademııasynyń prezıdenti Murat Jurynov.
Sonymen qatar, «Qazaqstan 2020» atty Jalpyulttyq demokratııalyq kúshter koalıtsııasynyń músheleri Ó.Joldasbekov atyndaǵy stýdentter saraıynda, iri kásiporyndardyń biri - «Rahat» kondıterlik fabrıkasynyń jumysshylarymen, Abaı atyndaǵy QazUPÝ stýdentteri, sondaı-aq, Almaty qalasynyń kásipkerlerimen kezdesti.
