Qazaqstan 2019 jylǵa qaraı ishki naryqty tolyq janar-jaǵarmaımen qamtı alady - U. Qarabalın
Búgin QR Parlamenti Senatynyń jalpy otyrysynda QR Munaı jáne gaz mınıstri Uzaqbaı Qarabalın osylaı málim etti. Eske salsaq, palata otyrysynda senatorlar «Qazaqstan men Qytaı arasyndaǵy «Qazaqstan - Qytaı» munaı qubyryn damytý jáne paıdalaný kezindegi yntymaqtastyqtyń keıbir máseleleri týraly kelisimdi ratıfıkatsııalaý týraly» zań jobasyn talqylaǵan bolatyn.
Mınıstrdiń aıtýynsha, osydan eki jyl buryn Úkimet qabyldaǵan baǵdarlamaǵa sáıkes, búgingi munaı óńdeý zaýyttaryn jańǵyrtý, eýro-4, eýro-5 deńgeıinde benzın shyǵarý jumystary qolǵa alynǵan. Sol boıynsha Atyraýdaǵy zaýytty jańǵyrtý bastalyp, eki jyldan soń bul nysan jumysqa tolyq kirisetin bolady. Budan keıingi kezekte de, Pavlodar men Shymkenttegi zaýyttardy jańǵyrtý qarastyrylady.
«Osy úsh zaýyt jańǵyrtylǵan soń elimizde shyǵatyn janar-jaǵarmaı sapasy artady. ıAǵnı, joǵary oktandy benzınderdi óz elimizde shyǵaratyn bolamyz. Bul sharýa 2019 jylǵa taman aıaqtalady. Mine, osy tustan bastap biz syrttan keletin janar-jaǵarmaıǵa qatysty tolyq táýelsiz bolamyz. Al Qytaıǵa munaı berip, odan benzın alý operatsııasy tollıngtik operatsııaǵa jatady. Bul bizdiń zaýyttyń kúshimen atqyrylmaıtyn bolǵandyqtan jasalyp jatqan qadam», - deıdi Munaı jáne gaz mınıstri.
