Qazaqstan 2019 jylǵa deıin energııa tıimdiligin arttyrý jobalaryna 100 mln dollar syrtqy zaem tartady
ASTANA. QazAqparat - Qazaqstan 2019 jylǵa deıin energııa tıimdiligin arttyrý jobalaryna 100 mln dollar syrtqy zaem tartady. Bul týraly QR Investıtsııalar jáne damý mınıstri Áset Isekeshev málim etti.
«2012-2019 jyldary aralyǵyndaǵy energııa tıimdiligin arttyrý jobalaryna tartylatyn syrtqy granttar men halyqaralyq qarjy uıymdary zaımdarynyń shoǵyrlandyrylǵan kólemi shamamen 100 mln AQSh dollaryn quraıdy. Nemistiń DENA energetıkalyq agenttigi «bir terezesi» arqyly eýropalyq ESKO kompanııasyn tartý jumystary da jalǵasady», - dedi Á.Isekeshev.
Mınıstrdiń atap ótýinshe, qaziri ýaqytta Ulttyq energııa únemdeý jáne energııa tıimdiligin arttyrý salasyndaǵy damý ınstıtýty Memlekettik energetıkalyq tizilim sýbektilerinen energııa resýrstaryn paıdalaný boıynsha aqparattaryn jınaý jáne óńdeý jumystaryn júrgizýde. Búginde atalǵan tizilimge 6 myńnan astam sýbekt engizilgen. Onyń ishinde 3 myńǵa jýyq sýbekt energııa aýdıtin júrgizýge mindetti.
