Qazaqstan 2018 jyly týberkýlezge qarsy kúresýge 42 mlrd teńge bóldi
ASTANA. QazAqparat - Qazaqstanda 2018 jyly týberkýlezge qarsy kúresýge 42 mlrd teńge qarajat bólindi, dep habarlaıdy QazAqparat Elorda Infoǵa silteme jasap.
«Qazaqstanda dáriger kómegine júginetinderdiń 70%-y aýrýhanaǵa jatýdan basqa amaly qalmaǵanda keledi. Biraq onyń aldyn alýǵa bolady ǵoı. Týberkýlezdi medıtsınalyq profılaktıka jasaýdyń negizi - únemi tekserilý. Árbir qazaqstandyq tegin qaralady, óıtkeni olarǵa kepildendirilgen tegin medıtsınalyq kómek kórsetiledi», - deıdi Medıtsınalyq saqtandyrý qory Astana fılıalynyń dırektory Nurlybek Qabdyqaparov.
Áleýmettik medıtsınalyq saqtandyrý qory der kezinde tekserýden ótip otyrýǵa shaqyrady. Tegin medıtsınalyq qyzmetter adam ómiriniń túrli kezeńderinde kórsetiledi. Máselen, jańa týǵan sábıge týberkýlezge qarsy vaktsına (BTsJ) egiledi. Keıin 7 jasynda jáne 14 jasqa tolǵanda ekpe qaıta egiledi. Jyl saıyn eresekter arasynda flıýorografııalyq skrınıng júrgiziledi.
Bıyl týberkýlezden zardap shegetin turǵyndardy emdeý, dıagnostıkalaý jáne olarǵa áleýmettik kómek kórsetý úshin memleket bıýdjetinen 42 mlrd teńge qarajat bólindi.
Qordyń bergen málimetine súıensek, 10 jylda elordada týberkýlezben aýyrý kórsetkishi 4 ese, al odan qaıtys bolý kórsetkishi 6,8 ese azaıǵan. 2017 jyldyń basynda Astanada týberkýlezdiń belsendi formasy anyqtalǵan 931 adam dıspanserlik esepte tursa, byltyr elordanyń 540 turǵyny týberkýlezben aýyrǵan.
