Qazaqstan 2018 jyly kómirsýtek shıkizatynyń qorlary boıynsha halyqaralyq eseptilik standartyna kóshedi - U. Qarabalın
Bul týraly búgin Ortalyq kommýnıkatsııalar qyzmetinde ótken brıfıng barysynda Energetıka birinshi vıtse-mınıstri Uzaqbaı Qarabalın málim etti. Brıfıng Elbasy aıqyndaǵan «100 qadam» Ult jospary aıasynda jer qoınaýyn paıdalaný salasyndaǵy ilgeri reformalar taqyrybynda ótken bolatyn.
«Elbasynyń aıqyndaǵan bes reformasy aıasyndaǵy «100 qadam» Ult josparynyń 74-75-inshi qadamy jer qoınaýyn paıdalaný reformalaýǵa qatysty bolyp tabylady. Osyǵan baılanysty, Energetıka mınıstrligi munaı jáne gaz salasynda aldyńǵy qatarly tásilderdi engizý boıynsha naqty reformalardy qolǵa alatyn bolady. Bul rette 74-i qadam jer qoınaýyn paıdalaný salasynda Qatty paıdaly qazbalar men kómirsýtek shıkizattary qorlary boıynsha Halyqaralyq eseptilik standarty júıelerin engizý arqyly ashyqtyqty, boljamdylyqty arttyrý bolyp tabylady. Al 75-qadam úzdik álimdik tájirıbelerdi qoldana otyryp, barlyq paıdaly qazbalar boıynsha kelisimsharttardy jasaýdyń ońaılatylǵan tásilderin engizýdi kózdeıdi», - dedi U. Qarabalın.
Onyń aıtýynsha,búgingi kúni Qazaqstanda mıneraldy-shıkizattyq keshen geologııalyq barlaý jumystaryn arttyrý arqasynda qoldaý jalǵasyp keledi. Bul rette halyqaralyq kapıtal naryǵy bul jumystardyń negizgi kózi bolyp tabylady. «2018 jyly kómirsýtek shıkizatynyń qorlary boıynsha halyqaralyq eseptilik standarty júıesine kóshýdi josparlap otyrmyz. Bul rette standartty qoldaný boıynsha qazaqstandyq ulttyq uıym qurylatyn bolady», - dedi Qarabalın.
