Qazaqstan 2018 jyldyń qańtarynda BUU Qaýipsizdik Keńesine tóraǵalyq etedi
«Qaýipsizdik Keńesinde (QK) bizdiń turaqty emes músheliktegi kýlmınatsııalyq sát aı saıynǵy aýyspaly jańaratyn tóraǵalyq kezinde bolady, ıaǵnı atalǵan organda 2018 jyldyń qańtary barysynda bul mindet Qazaqstan Respýblıkasyna tıesili»,-dedi mınıstr.
Onyń sózine qaraǵanda, tóraǵalyqtyń negizgi máselesi tıisti qujatty qabyldaýǵa qatysty bolady. Bul rette QK-niń qarary qamtylýy yqtımal, ol úshin organ quramyndaǵy barlyq músheleriniń kelisimi qajet.
Tóraǵalyq bastalǵanǵa deıin Qazaqstan Resýpblıkasynyń múddesin eskeretin máselelerdi keńes múshelerimen kelisý men talqylaý boıynsha tıisti jumystar júrgiziledi.
«Osyǵan baılanysty álemdik qoǵamdastyq pen QK-niń nazaryn Ortalyq Azııa tap bolyp otyrǵan syn-qaterlerge aýdarýǵa baǵyttalǵan bizdiń qadamdar bul óńir boıynsha seriktesterimizben tyǵyz úılestirýmen júrgiziledi. 2018 jyldyń qańtarynda Qaýipsizdik Keńesinde elimizdiń tóraǵalyǵynan keıin qol jetkizilgen ýaǵdalastyqtardy tájirıbe júzinde iske asyrý jumystary atqarylady»,-dedi ol.
Esterińizge sala keteıik, 2017 jylǵy 1 qańtardan bastap Qazaqstan aldaǵy eki jyldyq kezeńge Birikken Ulttar Uıymynyń Qaýipsizdik Keńesiniń turaqty emes múshesi retinde óz jumysyn bastady.