Qazaqstan 2017 jyldyń 1 toqsanynda 17,1 mln tonna munaı eksporttady
Energetıka mınıstrliginiń baspasóz qyzmetinen habarlanǵandaı, QR Úkimetiniń Jumys josparyn oryndaý maqsatynda birinshi jartyjyldyqta mınıstrliktiń aldyna áleýmetik-ekonomıkalyq damýdyń 9 maqsatty ındıkatorlaryna qol jetkizý mindeti qoıylǵan. Jyl sońyna deıin taý-ken ónerkásibiniń jalpy kólemi ındeksiniń ósimin 103,6 protsentke jetkizý josparlanyp otyr.
2017 jyldyń birinshi toqsanynyń qorytyndysy boıynsha, maqsatty ındıkatorlar boıynsha ósimge qol jetkizildi. Óndirilgen munaı men kondensat kólemi 21,1 mln tonnaǵa jetti. Jalpy ónim kólemi 5,2 protsentke artty. Negizgi iri jobalar boıynsha óndiristen: Qashaǵan boıynsha (1,6 mln t), Teńiz boıynsha (7,3 mln t.), Qarashyǵanaq petroleým boıynsha (3,2 mln t) ónim óndirildi.
«Іshki naryqty otandyq janarmaımen qamtamasyz etý mindeti tolyǵymen oryndaldy. Benzınmen qamtamasyz etý deńgeıi 68% jospar boıynsha 80,9% jetti. Janarmaımen qamtamasyz etý 86% jospary boıynsha 99,3%, avıakerosınmen qamtamasyz etý 47% paıyz jospar boıynsha 47,1% boldy»,-delingen vedomstvonyń habarlamasynda.
Sáýir aıyndaǵy jaǵdaı boıynsha, gazdandyrý deńgeıi 46,3% boldy.
Elektr energııasyn óndirý kólemi 27,1 mlrd. kVt/s. Kómir óndirý kólemi 27,8 mln tonnany qurady.
