Qazaqstan 2016 jyly jınalǵan astyqtyń 8,5 mln tonnasyn eksportqa baǵyttaıdy

ASTANA. QazAqparat - Qazaqstan 2016 jyly jınalǵan astyqtyń 8,5 mln tonnasyn eksportqa baǵyttaýdy josparlaýda. Bul týraly «Azyq-túlik korporatsııasy» UK» AQ basqarma tóraǵasynyń orynbasary Sábıt Qashqymbaev málim etti.

Onyń sózinshe, Ortalyq Azııanyń dástúrli naryqtaryna 4,2 mln tonna, Aýǵanstan - 1,8 mln. tonna, Iran - 500 myń tonna, Ázerbaıjan men Grýzııa - 200 myń tonna, Reseı - 900 myń tonna, Qytaı - 500 myń tonna jáne álemdik naryqtarǵa shamamen - 400 myń tonna baǵyttalady.

«Astyqtyń josparly kólemi bizge ishki naryqty qamtamasyz etýge jáne eksporttyq áleýetimizdi joǵary deńgeıde saqtap turýǵa múmkindik beredi», - dedi ol Aýyl sharýashylyǵy mınıstrliginde ótken brıfıngte.

Eske sala keteıik, QR aýyl sharýashylyǵy mınıstrligi Qazaqstanda astyqtyń jalpy kólemi 22 mln. tonnany quraıdy dep boljaýda.