Qazaqstan 2015 jyldan bastap 71 mln. tonna munaı eksporttaýdy josparlaıdy

    Bul týraly búgin Májiliste «Magıstraldyq qubyrlarǵa baılanysty máselelerdi zańnamalyq retteý» taqyrybynda ótken dóńgelek ústel barysynda málim boldy.

Keltirilgen málimetterge qaraǵanda, Qazaqstandaǵy munaı óndirisiniń boljamy 2012 jyly 81 mln. tonna, 2013 jyly 82 mln., 2014 jyly  83 mln. tonna, al 2015 jylǵa qaraı 90 mln. tonnaǵa jetedi. Osyǵan oraı, Qazaqstannyń munaı eksporty 2012-2013  jyldary 70 mln. tonnany qurasa, 2014 jyly bul kórsetkish 68 mln. tonnaǵa tómendeıtini boljanady. Al 2015 jyly eksport kórsetkishi 71 mln. tonnaǵa jetpek.

Esterińizge sala keteıik, dóńgelek ústelde «Magıstraldyq qubyr týraly» jáne «Qazaqstan Respýblıkasynyń keıbir zańnamalyq aktilerine magıstraldyq qubyr máseleleri boıynsha ózgerister men tolyqtyrýlar engizý týraly» zań jobalarynyń tusaýkeseri ótkizildi.