Qazaqstan 2015-2017 jyldardaǵy JІÓ ósimi boljamyn qaıta qaraıdy
ASTANA. QazAqparat - Qazaqstan 2015-2017 jyldardaǵy Jalpy ishki ónim ósimin qaıta qarastyrady. Bul týraly búgin Ortalyq kommýnıkatsııalar qyzmetindegi brıfıngte QR Ulttyq ekonomıka mınıstri Erbolat Dosaev málim etti.
«Bıyl JІÓ ósimin qaıta qaraý máselesi talqylanýda. Sebebi qalyptasyp otyrǵan konıýktýrada, ıaǵnı JІÓ ósimin qamatamasyz etetin munaıgaz salasynyń úlesi eleýli - 70 paıyzdan astam. Sondyqtan da baǵalardyń ózgerýin eskere otyryp, bizde ortasha jyldyq baǵamen shektelgen 95 dollar (munaıdyń bir barreline) dálizi saqtalýda»,-dedi mınıstr.
Sonymen qatar munaı baǵasy búginde qubylýy múmkin ekenin atap ótti. Sondyqtan da onyń turaqtylyǵyna eshkim de senimdi bola almaıdy.
Onyń paıymynsha, 2015-2017 jyldardaǵy JІÓ boıynsha ólshemder aýysýy múmkin.
Osy oraıda ol qazirgi kezde Úkimet málimetterdi túzetýdi eskere otyryp, atalǵan boljamdy qarastyryp otyrǵandyǵyn jetkizdi.
«Búginde Úkimettiń josparlary qaıta qaralýda jáne biz toǵyz aıdyń qorytyndysyn kútip otyrmyz. Qorytyndy 15 qazanda daıyn bolady. Osydan keıin biz qajetti sharalardy qabyldaımyz»,-dedi E. Dosaev.
Vedomstvo basshysynyń aıtýynsha, sonymen qatar ınflıatsııa boıynsha da málimetter qaıta qaralady.
