Qazaqstan 2012 jylǵa deıin parnıkti gazdardy shyǵarýdy 1992 jylǵy deńgeıden asyrmaıdy

Bul jaıynda búgin Almatyda ótken "Tómen kómirtekti damý: strategııalyq tásilder jáne naqty sheshimder" dep atalatyn ulttyq konferentsııada aıtyldy.

«Klımattyń ózgerýi saldaryn jumsartý jáne oǵan beıimdelýde Qazaqstan Úkimetine kómek» jobasynyń menedjeri Saltanat Jákenovanyń aıtýynsha, Qazaqstan byltyr Kıota hattamasyn bekitken soń parnıkti gazdardy shyǵarýdy 1992 jylǵydan 2020 jyly - 15, al 2050 jylǵa qaraı 25 paıyzǵa deıin azaıtýǵa mindetteme aldy. Kıota hattamasyn Qazaqstanda júzege asyrýdy úılestiretin ýákiletti organ - QR Qorshaǵan ortany qorǵaý mınıstri, Jumys organy - Qazaqtyq ekologııa jáne klımat ǵylymı-zertteý ınstıtýty bop taǵaıyndaldy. Instıtýttyq sharalarda - Parnıkti gazdardy shyǵarýdy baǵalaýdyń ulttyq júıesi, Ultyq parnıkti gazdardy shyǵarýdyń regıstri men kómirtekti birlikterdiń reestri jasalýda. Saıasat pen sharada Tómen kómirtekti damýǵa kóshýdiń tujyrymdamasy, Klımattyń ózgerýine beıimdelý baǵdarlamalary tujyrymdamasy jáne Kvotamen ishki saýdanyń júıesi ázirlenýde.

"Klımattyń ózekti saldaryn jumsartýda BUU Damý baǵdarlamasy Qazaqstan Úkimetimen birlesip birneshe jobalardy júzege asyrady. Birinshisi, ǵımarattardyń energotıimdiligin arttyrý jobasy. Ekinshisi, Qazaqstan Úkimeti, BUU Damý baǵdarlamasy jáne Ǵalamdyq ekologııalyq qormen birlesken jel energııasyn damytý jobasy. Endi bulardan bólek, energııaúnemdi jaryqtandyrýdy ilgeriletý jónindegi jobany júzege asyrý josparlanýda. Onda birtindep synapty shamdardan bas tartý kózdelgen", deıdi Saltanat Jákenova.