Qazaqstan 2011 jylǵy Azııa oıyndaryna qyzý daıyndalyp jatyr
ASTANA. Shildeniń 14-i. QazAqparat - Qazaqstanda 2011 jyly VII qysqy Azııa oıyndary ótetin sport nysandarynyń qurylysy úlken qarqynmen júrip jatyr. Bul týraly Týrızm jáne sport vıtse-mınıstri Talǵat Ermegııaev málim etti, dep habarlaıdy Astana qalasy ákiminiń resmı saıty.
«Búgingi tańda barlyq nysandardaǵy qurylys jumystary 75%-ǵa oryndaldy. Qarjy tolyq bólingen, kestege saı ıgerilip jatyr», - dedi ol seısenbi kúni Almatyda ótken baspasóz máslıhatynda.
Keste boıynsha Azııa oıyndaryna qajetti nysandar bıyl kúzde tapsyrylýy tıis.
T.Ermegııaevtiń aıtýynsha, «bıatlon stadıony daıyn deýge bolady, onyń negizgi qańqasy salynyp bitti, shańǵy trassalary qyrkúıekte tapsyrylady».
Sonymen qatar «frıstaıl jankúıerlerine arnalǵan «Tabaǵan» sporttyq oıyn-saýyq kesheniniń qurylysy da aıaqtalýǵa jaqyn», deıdi ol.
«Jalpy, keshen qonaqtardyń turýyna, ornalasýyna daıyn. Keler aptada shańǵy trassalaryna taǵy qajetti qarjy bólinedi», - dep naqtylady vıtse-mınıstr.
Sonymen qatar, «Shymbulaq» sport bazasyn qarjylandyrý máselesi de sheshildi. «Shańǵymen túsetin asý joldar daıyn, qondyrǵyǵa qajetti qarjy problemasy týyndaǵan bolatyn. Keshe Qarjy mınıstrliginde ótken keńeste bul másele de sheshildi. Jaqyn kúnderi qarjy bólinedi», - dep atap ótti vıtse-mınıstr.
T.Ermegııaevtyń aıtýyna qaraǵanda, Astanadaǵy konkı jarysy ótetin stadıon qurylysy jobadaǵy tehnıkalyq ózgeristerge baılanysty azdap keshiktirilgen.
Ol «Qazaqstan» sport keshenindegi muz aıdynyna bólingen 3 mlrd teńgeniń 70 paıyz ıgerilgenin, qurylys jumystary tolyq qarqynmen júrip jatyrǵanyn tilge tıek etti.
«Astanadaǵy velotrekke qatysty aıtar bolsaq, oǵan bólingen 18,5 mlrd teńgeniń 75%-y ıgerildi, ony bıyl qarashanyń 1-inde paıdalanýǵa beremiz», - dedi vıtse-mınıstr.
Al, «Medeý» sport keshenindegi qurylys jumystaryn qyrkúıek aıynda aıaqtaý josparlanyp otyr.
Balýan Sholaq atyndaǵy sport saraıyndaǵy muz aıdyny jeltoqsanda, sońǵylardyń biri bolyp qoldanysqa beriledi, dedi vıtse-mınıstr.
Týrızm mınıstrliginiń aqparyna qaraǵanda, qazirdiń ózinde 21 memleket 2011 jylǵy qysqy Azııa oıyndaryna qatysýǵa nıet bildirgen. Astana men Almatyǵa 3,5 myń adam keledi dep kútilýde. Olardyń arasynda jarysqa qatysýshylar, resmı tulǵalar men qonaqtar, tehnıkalyq qyzmetkerler bar.
Búginde Azııa oıyndarynyń medaldarynyń dızaın úlgisi bekitilip, Elbasynyń qol qoıýyna jiberildi.
