Qazaqstan 2011 jylǵy Azıadada shańǵy sporty túrlerinen 10 altyn medaldi ıelenýdi maqsat tutyp otyr

Bul týraly búgin Úkimette shańǵy sportyn damytý máselesine arnalǵan keńesten keıingi brıfıngte Shańǵy jarystary boıynsha Qazaqstan quramasynyń bas jattyqtyrýshysy Aleksandar Batıaıkın málim etti, dep habarlaıdy QazAqparat.

«Aldaǵy ótetin Azııadada biz sarapqa salynatyn 12 toptamadan 10 altyn medaldi ıelený maqsatyn qoıyp otyrmyz. Bul salmaq birinshiden elimizdiń sportshy jigitteri men qyzdaryna júktelip otyr», -dedi bas jattyqtyrýshy.

Shańǵy sporty elimizde kásibı túrde jaqsy baǵalanyp otyrǵandyǵyna toqtalǵan ol, «mınıstrliktiń jáne basqa mekemelerdiń qoldaýymen sporttyń bul túri jaqsy damýda. Endi biz óńirlerde balalar sportyn jetildirgimiz keledi. Sonymen qatar, sáıkesinshe norvegııalyqtarmen, shvedtermen, reseılik jáne Estonııa sekildi aldyńǵy qatarly eldermen ıyq tiresip, kásibı túrde ary qaraı jetile túsýdi kózdep otyrmyz», - dedi.

Sondaı-aq A. Batıaıkın óz sózinde eger qosymsha qarjy bólinetin bolsa, bul qarjy elimizdegi jasóspirimder saıystaryn ótkizýge, respýblıkalyq chempıonattarǵa júlde taǵaıyndaýǵa, qajetti jabdyqtardy alýǵa jáne sportshylardy, jattyqtyrýshylardyń jumysyn yntalandyrýǵa baǵyttalatynyn aıtyp ótti.

«Biz 10 medaldi utyp alýǵa mindettimiz. Bul biz úshin belgilenip otyrǵan joǵary maqsattar jáne oǵan jaýapkershilikpen kiristik», - dedi ol.