Qazaqstan 19 jasqa deıingi jastar quramasyna kimder shaqyrý aldy

ASTANA. KAZINFORM — Fýtboldan Qazaqstan 19 jasqa deıingi jastar quramasynyń Shymkentte ótetin oqý-jattyǵý jıynyna shaqyrý alǵan oıynshylar tizimi jarııalandy.

Oqý-jattyǵý jıyny aıasynda Qazaqstan jastar quramasy úsh baqylaý matchyn ótkizedi.
Daıyndyq barasynda 8 qazan kúni Kırıll Kekerdiń komandasy Birinshi lıga ókili «Taraz» kezdesse, 10 qazanda «Ońtústik Akademııasymen» oınaıdy. Al sońǵy match 12 qazanda Premer-lıgada baq synaıtyn «Ordabasyǵa» qarsy ótedi.

Jıynǵa bas bapker Kırıll Keker 25 fýtbolshyny shaqyrdy.

Qaqpashylar: Sherhan Qalmyrza («Qaırat»); Dıas Reımov («Qaırat»); Saıathan Qusaıynov («Aqtóbe»);

Qorǵaýshylar: Danııar Tashpolatov («Qaırat»), Ámirbek Bazarbaev («Qaırat»), Raymmbek Keńesbekov («Qaırat»), Ákejan Kalıkýlov («Qaırat»), Amanjol Baqytjanov («Tobyl»), Ivan Pıvovarov («Tobyl»), Abzal Saǵyn («Astana»), Temirlan Tórebek («Ertis»);

Jartylaı qorǵaýshylar: Álı Aqylbaev («Shahter»), Evgenıı Petrık («Qaırat»), Muhamedálı Ábish («Qaırat»), Alıden Musaıpov («Qaırat»), Kárim Mahametjan («Qaırat»), Asan Baıǵalıev («Elimaı»), Danııal Nazarov («Astana»);

Shabýylshylar: Mansur Bırkýrmanov («Qaırat»), Abylaı Tóleýhan («Qaırat»), Azamat Tuıaqbaev («Qaırat»), Ismaıl Bekbolat («Qaırat»), Maqsat Abraev («Astana»), Vıtalıı Latýrnýs («Aqtóbe»), Aldııar Nurǵalı («Levante», Ispanııa).

Aıta ketsek, fýtboldan Qazaqstan ulttyq quramasyn polshalyq maman jattyqtyrýy múmkin.