Qazaqstan 174 mln dollardyń dári-dármegin eksportqa shyǵarmaq

NUR-SULTAN. QazAqparat – Qazaqstan bıyl 174 mln dollardyń dári-dármegin eksportqa shyǵarmaq. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Bıyl farmatsevtıka salasynyń óndiris kólemi 105 paıyz deńgeıinde josparlanǵan. Negizgi ósim dári-dármek óndirisiniń 10,2 paıyz ulǵaıýy esebinen qamtamasyz etiledi. Koronavırýs ınfektsııasyna qarsy vaktsına óndirisin jáne 5 jańa óndiristik qýatty iske qosý oń áser etedi», - dedi óńdeý ónerkásibin damytý jaıynda baıandaǵan Beıbit Atamqulov.

Onyń atap ótýinshe, Farmatsevtıkalyq jáne medıtsınalyq ónerkásipti damytýdyń 2025 jylǵa deıingi keshendi josparyn odan ári iske asyrý saladaǵy óndiris kólemin 2,5 esege, ıaǵnı 92 mlrd teńgeden 230 mlrd teńgege deıin jetkizýge múmkindik beredi.

«Dári-dármek eksporty 3 ese artyp, 58 mln AQSh dollarynan 174 mln AQSh dollaryna deıin jetedi», - dedi ol.