Qazaqstan 1,6 mln tonna astyq eksporttady

ASTANA. KAZINFORM – 2025 jylǵy 1 qyrkúıekten 19 qazanǵa deıingi kezeńde Qazaqstan jańa astyq óniminen 1,6 mln tonna astyq eksporttady. Bul týraly AShM baspasóz qyzmeti habarlady. 

«Qazaqstan temir joly» ulttyq kompanııasy» AQ málimetterine sáıkes, 2025 jylǵy 1 qyrkúıekten 19 qazanǵa deıingi kezeńde Qazaqstan jańa astyq óniminen 1,6 mln tonna astyq eksporttady, bul ótken jyldyń osy kezeńimen salystyrǵanda 14%-ǵa kóp (2024 jyly — 1,4 mln tonna).

— Eksport kólemi negizinen Ortalyq Azııa jáne Kavkaz elderi baǵytynda artqany baıqalady. Máselen, Ózbekstanǵa eksport kólemi 41%-ǵa ósip, 568 myń tonnadan 801 myń tonnaǵa jetti. Al Tájikstanǵa 3,8%-ǵa ósti (236 myńnan 245 myń tonnaǵa deıin), al Qyrǵyzstanǵa jetkizilim 2,6 esege kóbeıip, 17 myńnan 45 myń tonna boldy, — delingen mınıstrlik habarlamasynda.

Sonymen qatar, Ázerbaıjanǵa eksport 3,4 esege ulǵaısa, (11 myńnan 38 myń tonnaǵa deıin), Aýǵanstanǵa jetkizilim 28,6%-ǵa ósip, 56 myńnan 72 myń tonnaǵa jetti, sondaı-aq, Túrikmenstanǵa eksport 66,7%-ǵa kóbeıip, 3 myńnan 5 myń tonnaǵa deıin kóbeıdi.

Aıta ketelik elde 26,3 mln tonna astyq bastyrylǵan edi.