Qazaqstan 12 jyldyq bilim berý júıesine kóshýdi 2015 jylǵa josparlaýda - E.Orynbaev
ASTANA. 31 qańtar. QazAqparat /Jasulan Joldybaev/ - Qazaqstan 12 jyldyq bilim berý júıesine kóshýdi 2015 jylǵa josparlaýda.
Bul týraly búgin Bilim jáne ǵylym mınıstrliginiń keńeıtilgen alqa májilisinde QR Premer-Mınıstrdiń orynbasary Erbol Orynbaev málim etti.
«2015 jyly biz 12 jyldyq júıege kóshýdi josparlap otyrmyz. Osyǵan baılanysty barlyq máselelerdi qoǵamdyq talqylaýǵa shyǵarý qajet dep esepteımin. Men mınıstrliktiń osy baǵytta kóp jumys atqarǵandyǵyn bilemin. «Nazarbaev Zııatkerlik mektebiniń» qyrýar eńbek jasaǵandyǵynan habardarmyn. Biraq bizge bir jerde bas qosyp, onyń parametrlerin talqylaý qajet. Sebebi álemde túrli tájirıbeler bar. Olardyń arasynan bizge laıyqtysyn anyqtap, eń jaqsysyn otandyq júıege engizý kerek. Sonyń negizinde 12 jyldyq bilim berý júıesine kóshý qajet», - dedi E. Orynbaev.
