Qazaqstan 100 myń tonna dızel otynyn ımporttaıdy
«Qabyldanǵan sharalarǵa toqtalsaq, Qazaqstan aýmaǵynan benzın, dızel otynyn jáne munaı ónimderiniń jekelegen túrlerin avtomobıl kóligimen áketýge tyıym salý jóninde birlesken buıryq qabyldandy. Janar-jaǵarmaı quıý stantsııalarynda saralanǵan baǵalardy engizý boıynsha buıryq qabyldandy, sondaı-aq dızel otynynyń lımıttelgen kólemin berýge baqylaýdy iske asyrý maqsatynda osy buıryqqa tolyqtyrýlar engizilip jatyr. Sonymen qatar, vagon tsısternalaryn berý sany artty», - dedi B. Aqsholaqov.
Onyń aıtýynsha «Samuryq-Qazyna» qory men «Qazmunaıgaz» Úkimettiń tapsyrmasy aıasynda qyrkúıek-qazan aılarynda 100 myń tonna dızel otynyn ımporttaýǵa kelisimshartqa qol qoıdy. Qazirgi kezde 10 myń tonna dızel otyny ımporttaldy.
«Janar-jaǵarmaı baǵasyn negizsiz kóterý jáne satýdan bas tartý máseleleri boıynsha azamattardyń ótinishterine jedel den qoıý úshin Energetıka mınıstrliginde jáne iri janar-jaǵarmaı quıý stantsııalarynyń jelilerinde «koll-ortalyqtar» quryldy. Oblystardyń jáne respýblıkalyq mańyzy bar qalalardyń ákimdikteri munaı bazalaryndaǵy janar-jaǵarmaı materıaldarynyń qaldyqtaryn monıtorıngileý, sondaı-aq JJM kólemderin shalǵaıdaǵy eldi mekenderde ornalasqan janarmaı quıý stantsııalaryna bólý jóninde sheshimder qabyldaý úshin jedel shtabtar qurdy», - dedi mınıstr.
Onyń sózine qaraǵanda, janar-jaǵarmaı naryǵyndaǵy jaǵdaıdy turaqtandyrý jónindegi jedel sharalardy qabyldaý úshin QR Premer-Mınıstriniń birinshi orynbasary Roman Sklıardyń tóraǵalyǵymen Іshki naryqty janar-jaǵarmaımen qamtamasyz etý jónindegi komıssııa quryldy.
Budan buryn habarlanǵandaı, munaı ónimderin óndirýdiń 2022 jylǵa arnalǵan boljamy 13,72 mln tonnany quraıdy, bul 2021 jylǵa qaraǵanda 1,04 mln tonnadan astam joǵary.
