Qazaqstan 10 memlekettiń basyn qosyp taekvondo lıgasyn qurady

ASTANA. KAZINFORM – Qazaqstan taekvondo federatsııasynyń prezıdenti Qudiret Shámıev Jibek Joly telearnasyna bergen suhbatynda memlekettiń basyn qosatyn Altaı lıgasy qurylatynyn málim etti.

- Árıne, naqty jobalar bar. Sol naqty jobalardyń biri – Altaı lıgasyn qurý. Ol lıgaǵa Altaı aımaǵynda jatqan memleket kiredi dep otyrmyz. Ol lıganyń týrnırlerin reıtıngti etý arqyly sportshylarymyzdyń olımpıadaǵa baratyn múmkindigin arttyrý, ishki týrnırlerdiń sanyn arttyrý, deńgeıi joǵary sport sharalaryn uıymdastyrý kózdelip otyr, - dedi Qudiret Shámıev «Ýáde» baǵdarlamasynda.

Sondaı-aq, ol Qazaqstan bir aı buryn bir Qyrǵyzstandaǵy GCS uıymyna múshe bolǵanyn eske saldy.

- Ol Dúnıejúzilik taekvondo federatsııasynyń qosymsha alyp júrgen úlken bir sharýasy. Damýshy elderge qoldaý kórsetip, bosqyndarǵa arnalǵan sharalar ótkizedi bul uıym, - deıdi federatsııa basshysy.

Buǵan deıin 24-30 qazan kúnderi Qytaıdyń Ýsı qalasynda ótetin álem birinshiligine Qazaqstan atynan qaı taekvondoshylar qatysatynyn jazǵan edik.