Qazaqstan 1 altyn, 2 qola medalmen jalpy esepte neshinshi orynda tur
PARIJ. KAZINFORM – Frantsııa astanasynda ótip jatqan Olımpıada oıyndarynda Qazaqstan quramasy jalpy medaldar kestesinde 1 altyn, 2 qola medalmen 7-shi orynda keledi.
Al 3 altyn, 2 kúmis, 1 qola medal jeńip alǵan Ońtústik Koreıa sportshylary jalpy esepte kósh basynda tur. Ekinshi orynda — Avstralııa quramasy. Olardyń enshisinde 3 altyn, 2 kúmis júlde bar. Úzdik úshtikti ázirge 3 altyn, 1 kúmis, 1 qola medalmen Qytaı quramasy túıindep tur.
Jalpy búginge deıin Parıj Olımpıadasynyń medaline 19 memlekettiń sportshylary qol jetkizip úlgerdi.
Aıta keteıik, Parıj qalasynda alaýy tutanǵan XXXIII jazǵy Olımpıada oıyndarynda jalpy 32 sport túrinen 329 medal jıyntyǵy sarapqa salynady.
Qazaqstan sportshylary tórt jyldyq dodada sporttyń 25 túrinen 92 joldama jeńip alǵan bolatyn.
