«Qazaqsha Vıkıpedııanyń» shilde aıynda qaralǵan better sany 4 mln asty
ASTANA. 20 tamyz. QazAqparat - Ústimizdegi jyldyń shilde aıynda «Qazaqsha Vıkıpedııa» jobasynyń qaralǵan better sany 4 mln asyp, better sany 152 myńǵa jetti, dep habarlaıdy «Wikibilim» qoǵamdyq qorynyń basshysy Raýan Kenjehanuly Pm.kz saıtyna bergen suhbatynda.
Qordyń habarlaýynsha, búgingi kúni qazaqsha Vıkıpedııadaǵy maqalalar sany 152 myńǵa, qazaq tilindegi qaralǵan better sany shilde aıynda 4 638 988 jetken, Vıkıpedııadaǵy tilder reıtıngisinde qazaq tili 32 orynda tur.
Negizgi bóligi mektep oqýshylary men stýdentter bolyp tabylatyn entsıklopedııa paıdalanýshylarynyń belsendiligi kúz aılarynda birneshe ese ósedi dep kútilýde.
«Jaz kezinde belsendi paıdalanýshylar, maqalalardy jazýshylar men jóndeýshiler sany qysqarýy múmkin degen qaýpimiz bekerge shyqty. Belsendi redaktorlar sany 180-190 adam deńgeıinen túsken joq, jazǵy maýsymǵa daıin olardyń sany 250 adam bolatyn», - dedi R.Kenjehanuly.
Qor basshysynyń aıtýynsha, Jazǵy Olımpıada oıyndary kezinde joba qaýymdastyǵynyń aıyryqsha belsendiligi baıqalǵan, bul sport pen chempıondar týraly kontenttiń ártúrliligine yqpal etken.
«Sporttyń jekelegen túrleri týraly tamasha maqalalar paıda boldy, sportqa arnalǵan portal anaǵurlym kúsheıdi. Árıne, bizdiń chempıondarymyz týraly keremet maqalalar da nazardan tys qalǵan joq. Sportshylardyń qazaq tilindegi jeke paraqshalary tuńǵysh ret Vıkıpedııanyń orys tildi nusqasynan buryn jańartyldy», - dep habarlady «WikiBilim» basshysy.
Esterińizge sala keteıik, «Qazaqsha Vıkıpedııa» jobasy Qazaqstan Respýblıkasy Premer-Mınıstriniń qoldaýymen júzege asyrylýda. Atalǵan joba 2011 jyldyń maýsym aıynda iske qosylǵan. Halyqaralyq «Vıkımanııa» (Wikimania-2011) konferentsııasy qorytyndysy boıynsha «Qazaqsha Vıkıpedııa» Jyl Vıkıpedııasy (Global Wikipedian - 2011) dep atalǵan.
