«Qazaqsha Vıkıpedıa» jobasy bastalǵaly beri maqalalar sany 100 myńnan asty
MATY. 2 qarasha. QazAqparat /Názıra Eleýhan/ - «Qazaqsha Vıkıpedıa» jobasy 2011 jyldyń maýsymynda bastaldy, sodan bergi aralyqta Vıkıpedıa entsıklopedııasynyń qazaq tildi taraýyndaǵy maqalalar sany 10 esege ósip, 100 myńnan asty. Bul týraly búgin Almatyda ótken arnaıy baspasóz máslıhatynda «WikiBilim» qorynyń jetekshisi Raýan Kenjehanuly málim etti.
Qor jetekshisiniń aıtýynsha, maqalalardyń tez kóbeıýine "Qazaq entsıklopedııasy" redaktsııasynyń kómegi zor bolǵan. "100 myńnan astam qazaq tildi maqalalardyń jartysyna jýyǵy "Qazaqstan" ulttyq entsıklopedııasynan alyndy. Bul oraıda biz maqalalaryn Vıkıpedıaǵa salýǵa ruqsat etken "Qazaq entsıklopedııasy" baspasyna zor alǵysymyzdy bildiremiz. Sonymen qatar jobaǵa qoldaý kórsetken Baılanys jáne aqparat mınıstrligi men Premer-mınıstrdiń keńsesine jáne elimizdiń aldyńǵy qatarly joǵary oqý oryndaryna alǵys aıtamyz. Sonyń ishinde stýdentterge, "Qazaqsha Vıkıpedıa" jobasyna erekshe yqylas tanytqan Halyqaralyq aqparattyq tehnologııalar ýnıversıtetine rızashylyǵymyzdy bildiremiz",-dedi R.Kenjehanuly.
Esterińizge sala ketsek, jobanyń basynda uıymdastyrýshylar 2011 jyldyń 16 jeltoqsanyna deıin qazaq tildi maqalalar sanyn 200 myńǵa jetkizýge nıettengenin málim etken bolatyn. Baspasóz máslıhatynda tehnıkalyq turǵydan bul mindettiń ábden qoljetimdi ekendigin aıtqan joba uıymdastyrýshylary budan bylaı sandyq mejelerdi ekinshi kezekke shegindirip, sapaǵa den qoıýdy uıǵarýda. ıAǵnı, maqalalardyń mazmunyn tereńdetý jáne sapasyn arttyrý olar úshin endi, budan arǵy jumystyń basym baǵyty bolmaq.
"Búgingi tańda biz «Qazaqstan» ulttyq entsıklopedııasy men aımaqtyq jáne túrli salalyq entsıklopedııalardy «Vıkıpedıaǵa» ornalastyrýmen qatar, qaǵaz betindegi aýqymdy materıaldy sandyq formatqa túsirip, qazaq tilinde joq maqalalardy ózge tilderden aýdarý jáne Vıkıpedıaǵa salý jumysyn jalǵastyrýdamyz. Sonymen qatar, qor erekshe kózge túsken erikti redaktorlar qatarynan «Vıkıpedıa Elshileri» iriktelip, solardyń kúshimen túrli aýdıtorııalarda Vıkıpedıa týraly nasıhat-semınarlar ótkizýde. Bunymen qatar, «Vıkıpedıa Elshilerine» bas demeýshi atynan turaqty stıpendııa taǵaıyndaldy",-dedi qor jetekshisi R.Kenjehanuly.
Maslıhat barysynda tamyzdyń 4-i men 7-si aralyǵynda Izraıldiń Haıfa qalasynda ótken «Wikimania-2011» konferentsııasynyń qorytyndysy boıynsha Qazaqstandyq «WikiBilim» qory «2011 jyldyń ǵalamdyq vıkıpedıashysy» ataǵyn ıelenip (Global Wikipedian of the Year), Vıkıpedıanyń negizin qalaýshy Djımmı Ýeılstiń (Jimmy Wales) arnaıy grantyn jeńip alǵandyǵy atap ótildi.
«VIKIPEDIA» týraly qysqasha aqparat:
«Vıkıpedıa» - álemdegi eń tanymal on ınternet brendtiń qatarynda turǵan jalǵyz qoǵamdyq úlgidegi veb-saıt. Bul - ǵalamtordyń áleýmettik qýatyn aıǵaqtaǵan alǵashqy ıntellektýaldyq jáne kommertsııalyq emes joba. BBC telekompanııasy Vıkıpedıany «YouTube» jáne «Facebook»-pen qatar XXI ǵasyrdyń eń tanymal brendteriniń qataryna qosqan. Bıylǵy jyly «Vıkıpedıa» entsıklopedııasyn ıÝNESKO-nyń qorǵaýyndaǵy mádenı mura qataryna qosý týraly bastama kóterildi. Bul usynys ǵalamtorda qyzý talqylanýda. Usynys qoldaý tapsa, «Vıkıpedıa» adamzat tarıhyndaǵy alǵashqy sandyq úlgidegi mádenı mura bolmaqshy.
Álemniń 281 tilinde jumys isteıtin «Vıkıpedıa» entsıklopedııasynda 20 mıllıonǵa jýyq maqala bar. Onyń 3,7 mıllıony aǵylshyn tilinde jazylǵan. Maqala sany mıllıondyq mejeden asqan taǵy eki taraý - nemis jáne frantsýz tilderiniń úlesinde. Orys tilindegi maqalalardyń sany 780 myńnan asqan. Alaıda entsıklopedııanyń qazaq tildi bóliminiń damýy bertinge deıin kenje qalyp keldi. Bul jobanyń maqsaty, osynyń ornyn toltyryp, «vıkıpedıashylardyń» úlken qaýymdastyǵyn qurý arqyly entsıklopedııanyń qazaqsha taraýyndaǵy maqalalardyń sany men sapasyn kóterý bolyp tabylady.
