«Qazaqsha sóıleıik» atty jańa oqý quraly jaryq kórdi
ALMATY. 23 aqpan. QazAqparat /Áıgerim Ámir/ - Búgin Almatyda Qazaqstandyq menedjment, ekonomıka jáne boljaý ınstıtýtynyń (QMEBI) Tilder ortalyǵynda «Qazaqsha sóıleıik» atty jańa oqý quralynyń tanystyrylymy boldy.
Jańa oqýlyqtyń avtory - L.Gýmılev atyndaǵy Eýrazııa ulttyq ýnıversıteti qazaq tili kafedrasynyń meńgerýshisi fılolgııa ǵylymdarynyń doktory, professor Zeınehan Kúzekova.
Kitap - QR Mádenıet mınıstrligi Til komıtetiniń qoldaýymen shyqqqan, bul - qazaq tili grammatıkasyn qyzmettik qoldanys aıasy turǵysynan usynatyn, tapsyrma túrlerin til úırenýshiniń qarym-qatynas quzyretin qalyptastyrýǵa baǵyttaǵan jańa býyn oqýlyq. Atalǵan oqý quralynda avtor qazaq tili grammatıkasyn fýnktsıonaldyq aspektide qarastyryp, jattyǵý jumystary men tapsyrmalaryn kommýnıkatsııaǵa baǵyttaı usynǵan.
Z.Kúzekova - elimiz egemendik alǵaly beri qazaq tilin ekinshi til retinde oqytý máselelerimen qyzý aınalysyp, úzbeı eńbek etip kele jatqan ǵalym. Onyń ekonomıka, halyqaralyq qatynastar jáne zań fakýltetterine arnaǵan kóptegen oqýlyqtary da bar. Elimizdiń jetekshi joǵary oqý oryndary Z.Kúzekovanyń oqýlyqtarymen jumys istep otyr.
