Qazaqsha oryndaǵan ánim kórermen kóńilinen shyqqany qýantty – Zhang HeXuan
ASTANA. KAZINFORM – Silk Way Star fınalyna eki kún qalǵanda Qytaı ánshisi Zhang HeXuan jobadaǵy basty maqsaty men daıyndyq barysyndaǵy tájirıbesimen bólisti.
– Qazaq tilinde án aıtý ońaı bolmady. Biraq tildiń áýezin túsiný úshin aýdarmashylar men dostarym kómektesip, qazaqsha oryndaǵan ánim kórermen kóńilinen shyqqany qýantty, – dep bólisti ol Jibek Joly telearnasyndaǵy «Bugin Live» baǵdarlamasynda.
Zhang HeXuan Silk Way Star jobasyna Qytaı dástúrin zamanaýı formatta kórsetý maqsatynda kelgenin aıtty. Onyń sózinshe, Sanqian Lichou kompozıtsııasy qytaı mádenıetiniń mánin ashyp, sahnada ulttyq obrazben jumys isteýge múmkindik bergen.
Zhang HeXuan 2012 jyly alǵash sahnaǵa shyqqan, keıin arada biraz ýaqyt úzilis boldy. Silk Way Star-dy ol óziniń kásibı shyńdalýyna yqpal etken mańyzdy kezeń dep sanaıdy.
Eske salaıyq, Silk Way Star fınalyna jeti oryndaýshy ótti: ALEM, ıAzmın Azız, Avtandıl Abeslamıdze, Mıshel Djozef, Chjan He Sıýan, Saro Gevorgıan jáne Madınaboný Ádilova.
Kamıla Múlik