Qazaqsha KVN respýblıkalyq joǵary lıga oıyndarynyń fınalısteri anyqtaldy

Keshe, Astanadaǵy Kongress-Holl saraıynda Kóńildiler men tapqyrlar klýbynyń respýblıkalyq joǵary lıga oıyndarynyń aqtyq saıysyna komandalardy irikteýdiń ekinshi kúni aıaqtaldy. Oǵan «Seriler» (Semeı), «Erketaı» (Aqtóbe), «Jıgýlı» (Atyraý), «Qorqyt quramasy» (Qyzylorda), «Kúltegin» (Astana) jáne «Qaraǵandy quramasy» (Qaraǵandy) komandalary qatysty.

«Biriligimiz jarasqan!» uranymen ótken jartylaı fınaldyq oıyndar 4 kezeńnen turdy. Sálemdesý - komanda týraly jalpy kórinis berý. Dybystaý - ıaǵnı mýltıplıkatsııalyq ne bolmasa kınofılmderden alynǵan úzindilerdi dybystaý. Qaıym aıtys -usynylǵan eki aýyz óleńdi uıqaspen aıaqtaý. Bir áýendi saıys - qaljyndardy áýenge salyp jetkizý.

Saıys nátıjesinde QR Parlamenti Májilisiniń depýtaty Nurtaı Sabılıanov tóraǵalyq etken qazylar alqasynyń sheshimimen fınalǵa «Erketaı» jáne «Kúltegin» komandalary shyqty.

Eske salaıyq, qazannyń 5-i kúni ótken jartylaı fınaldyq oıyndardyń alǵashqy kúninde aqtyq dodaǵa joldamany «Dostar kz» (Semeı) jáne «Qyzyq orda» (Qyzylorda) komandalary alǵan bolatyn.

Qazylar alqasynyń uıǵarýymen fınalda sondaı-aq, ½ oıyndar barysynda jınaǵan jalpy upaı sandary boıynsha úshinshi orynda turǵan «Nur Astana» (Astana) jáne «Seriler» (Semeı) quramalary da óner kórsetetin boldy.

Aqtyq saıys ústimizdegi jylǵy qarasha aıynyń ortasynda ótedi.

Qazaqsha KVN oıyndary «Qazaqstan KVN Odaǵy» respýblıkalyq jastar qoǵamdyq birlestiginiń uıymdastyrýymen jáne Qazaqstan Respýblıkasy Mádenıet mınıstrliginiń qoldaýymen ótti.