Qazaqsha kúresten «Taldyqorǵan Bórisi» jarysynyń irikteý kezeńi aıaqtaldy (FOTO)
TALDYQORǴAN. QazAqparat - Bıyl «Taldyqorǵan Bórisi» ataǵy men Taldyqorǵan qalasynyń namysyn oblystyq jarysta qorǵaý quqyǵy úshin 30 balýan kúresti.
Ulttyq sport festıvali sahnalyq qoıylym men jarystyń qurmetti qonaqtarynyń óner kórsetýinen keıin ashyldy.
«Memleket basshysy Nursultan Ábishuly Nazarbaev dene shynyqtyrýdy damytýǵa úlken kóńil bólip jatyr. Aımaqtarda buqaralyq sport belsendi damýda, búgingi jarys meniń sózderimniń mysaly bolyp tabylady», - dep atap ótti Taldyqorǵan qalasynyń ákimi Baǵdat Qarasaev.
Qala ákiminiń sózderin Olımpıada chempıony Jaqsylyq Úshkempirov qýattap, salaýatty ómir saltyn nasıhattaıtyn bul jarysty uıymdastyrý deńgeıiniń joǵary ekenin atap ótti.
Jarysqa qatysýǵa 40-tan astam palýan nıet bildirgen. Uıymdastyrýshylar júlde qoryn 1 mln teńgege deıin ósirgeni jarysqa qatysýǵa úmitkerler sanyn kóbeıtken. Qalalyq sport jáne dene shynyqtyrý bóliminiń basshysy Ádilet Rymtaevtyń aıtýynsha, jarysqa qatysýshylardyń qaladaǵy jaqsy zaldarda jattyǵýlaryna barlyq jaǵdaı jasalǵan. Olarǵa oblys ortalyǵynyń jetekshi jattyǵýshylary keńes bergen.
«Taldyqorǵan Bórisi» ataǵynyń úsh dúrkin chempıony Jánibek Dúısenbaev pen palýan Toqtar Qarketerovtyń aqtyq synda beldesýi jarystyń ataýly oqıǵasyna aınaldy. Toqtar Qarketerov birinshi oryn alyp, 300 myń teńgeniń sertıfıkatyna ıe boldy. Jánibek Dúısembaev oblystyq jarysqa ekinshi joldamany aldy.
