Qazaqsha kúresten IV álem chempıonaty Mınskte ótedi

TARAZ. 20 jeltoqsan. QazAqparat - Qazaqsha kúresten IV álem chempıonaty Belarýs astanasy Mınsk qalasynda ótedi, dep habarlady Qazaqstannyń qazaqsha kúres boıynsha federatsııasynyń baspasóz qyzmetinde.

21-22 jeltoqsan kúnderi Mınskidegi «Staıkı» olımpıadalyq sport kesheninde jáne A.Medved atyndaǵy Kúres saraıynda 30 komanda qatysatyn qazaqsha kúres boıynsha álem chempıonaty ótedi.

Aǵa jattyqtyrýshy Jeńis Bıtkózov bastaǵan Qazaqstan qurama komandasy qazirgi ýaqytta Belarýs eline kelip jetti jáne chempıonatqa sońǵy daıyndyq jumystaryn júrgizýde.

Federatsııadan habarlaǵandaı, Qazaqstan namysyn «Eurasia Barysy»-da chempıon atanǵan sportshylar qorǵaıdy.

Eń jeńil salmaq dárejesinde boz kilemge Qazaqstan chempıony - Abzal Arystanbekov shyǵady. 70 kelige deıingi salmaq dárejesinde talaı jarystan júldeli qaıtqan Erlan Estek el namysyn qorǵaıdy. 80 kelige deıingi salmaq dárejesinde Kazaqstan chempıony Ersin Muhamedjanov talasqa túsedi. Álem kýbogynyń ıegeri, qazaqsha kúres boıynsha týrnırlerdiń birneshe dúrkin chempıony, Azııa chempıony Muhıt Tursynov 90 keli salmaq dárejesinde júldege talaspaq. «Qazaqstan Barysy» ataǵynyń qazirgi ıegeri, Azııa chempıony, Álem kýbogynyń ıegeri Aıbek Nuǵymarov 90 keliden joǵary salmaq dárejesinde óziniń eki dúrkin álem chempıony ataǵyn qaıta qorǵamaq.

21 jeltoqsanda «Staıkı» SK bazasynda irikteý syndary ótedi. 22 jeltoqsanda A.Medved atyndaǵy Kúres saraıynda fınaldyq jekpe-jekter ótedi jáne osy sport túrinen álem chempıondary anyqtalmaq.

Jarystardyń bas tóreshisi - Baqyt Jańbyrbaev, dep habarlady sport qaýymdastyǵynyń baspasóz qyzmetinen.