Qazaqsha aýdıony mátinge aınaldyratyn Telegram-bot jumys isteı bastady

ASTANA. QazAqparat - «Til-Qazyna» ortalyǵynyń baǵdarlamashylary jańa Telegram-bot ázirledi. Bottyń ereksheligi - ozyq tehnologııalar negizinde sóıleýdi tanyp, ony qatesiz jazyp beredi, dep habarlaıdy QazAqparat.

Jobany túrli baǵytta qoldanýǵa bolady. Mátinderdiń aýdıosyn engizip, jazba nusqasyn shyǵaryp ala alasyz.

Qoldanba – medıa salasyndaǵy kásibı mamandarǵa, jýrnalısterge, stýdentterge tapsyrmas qural.

Quralǵa daýystyq jazba, aýdıomaterıal engizgende, jyldam ári qatesiz mátinge aınaldyryp beredi.

Jobany ázirlegen baǵdarlamashylar toby árdaıym bottyń jumys isteý qabiletin arttyrý úshin tehnıkalyq jetildirý jumystaryn júrgizip otyrady.

Túrli formattaǵy mp3, wav, mp4 aýdıomaterıaldaryn faıl túrinde engizýge múmkindik bolady.

Jáne de jýyq arada jobanyń veb-nusqasy da shyǵyp qalady. ıAǵnı mobıldi qurylǵy arqyly ǵana emes, veb ınterfeıs arqyly da jumys isteı alady.

Jobanyń veb-nusqasy aýdıomaterıaldardy mátinge aınaldyrýda óte yńǵaıly.

Qoldanýshylar kólemdi aýdıo engizip, aýdıolardy qajetti formaǵa aýystyrý úshin ıntonatsııa ózgertý, jyldamdyǵyn túzetý syndy qosymsha óńdeý jumystaryn jasaı alady.

Botty osy siltemege ótip, testileı alasyz.