Qazaqsandyq avtokomanda álemdik týrnırdiń bas júldesin enshiledi
ASTANA. KAZINFORM — Italııanyń Mısano halyqaralyq avtodromynda ótip jatqan Lamborghini Super Trofeo serııasy qorytyndy týrnıri máresine jetti.
Álemdik fınaldyń ekinshi kezeńinde 38 komanda jarys jolyna shyqty. Artline Kazakhstan avtosport komandasy shabandozdary Shota Abhazava men Egor Orýdjev Pro-Am sanatynda óner kórsetip, máre syzyǵyn ekinshi bolyp kesti.
Álemdik fınaldyń eki kezeńiniń qortyndysy boıynsha qazaqstandyq komanda 27 upaı enshilep, qorytyndy týrnırdiń bas júldesin enshiledi.
Lamborghini Super Trofeo — Lamborghini Squadra Corse uıymdastyrǵan halyqaralyq avtojarys serııasy. Eýropa, Azııa jáne Soltústik Amerıka qurlyǵyndaǵy týrnırde shabandozdar 6 kezeńde 2 jarys alańynda (50 mınýt) synǵa túsip, fınaldyq kezeńdi ózara sarapqa salady.
Sonymen qatar bul avtojarysta Huracán Super Trofeo Evo modeldik kólikteri qoldanylady.
Osyǵan deıin habarlaǵanymyzdaı, Artline Kazakhstan avtosport komandasy álemdik fınaldyń alǵashqy kezeńinde top jaryp, tarıhı jetistikke qol jetkizdi.