Qazaqsanda arnaýly bilim berý uıymdaryna túsý úshin ótinim qabyldaý júrip jatyr

NUR-SULTAN. QazAqparat – Qazaqstannyń barlyq óńirinde daryndy balalarǵa arnalǵan bilim berý uıymdaryna túsýge ótinishter qabyldaý jalǵasyp jatyr, dep habarlaıdy QazAqparat QR Bilim jáne ǵylym mınıstrliginiń baspasóz qyzmetine silteme jasap.

Oqýshylar arasynda konkýrstyq irikteý 2022-2023 oqý jylyna túsý úshin ótkiziledi. Úmitkerler bıylǵy jyldyń 1 sáýirine deıin www.qabyldau.daryn.kz saıtynda onlaın tirkelip, qujattaryn tapsyra alady. Sonymen qatar tirkeýdi kórsetilgen merzim ishinde tańdalǵan mamandandyrylǵan bilim berý uıymynda tikeleı ótýge bolady.

«Arnaýly bilim berý uıymdaryna 5, 6, 7-synyptar qabyldanady. Ol úshin balanyń ata-anasy nemese zańdy ókilderi ótinish berip, mynadaı qujattardy usynýy kerek: oqýshynyń týý týraly kýáliginiń kóshirmesin, balanyń oqý ornynan anyqtama jáne onyń fotosýreti. Baıqaýdyń ótetin kúni týraly qosymsha habarlaımyz», - delingen mınıstrlik taratqan habarlamada.

Emtıhandar testileý formatynda ótkiziledi. Oqýǵa túsýshiler matematıka, logıka, oqý saýattylyǵy jáne Qazaqstan tarıhy boıynsha emtıhan tapsyrady. Konkýrstyq irikteýdiń barlyq test tapsyrmasy logıkalyq tapsyrmalardy qamtıtyn oqý baǵdarlamasy negizinde qurastyrylǵan. Testileý ár óńirdiń negizgi mektepterinde ótkiziledi. Talapkerlerdi arnaýly bilim berý uıymdaryna oqýǵa qabyldaý eń joǵary ball sanyna qaraı júzege asyrylady.

Arnaýly bilim berý uıymdaryna qabyldaý týraly tolyq aqparat www.qabyldau.daryn.kz saıtynda ornalastyrylǵan.