Qazaqpen az gonorarǵa kezdeskisi keldi: Promoýter Golovkınge usynystar týraly aıtty

NUR-SULTAN. QazAqparat – Polshalyq boksshy Kamıl Sheremetanyń promoýteri Andjeı Vasılevskı (21-0, 5 KO) álem chempıony Gennadıı Golovkınmen (40-1-1, 35 KO) jekpe-jek ótkizýge ótinish bildirgender kóp bolǵanyn aıtty, dep habarlaıdy QazAqparat Sports.kz saıtyna silteme jasap.

«Golovkınmen jekpe-jek ótkizýdi qalaıtyndardyń kezegi qalyptasty. Onyń aıqas ótkizetin datasy jaqyndaǵan saıyn, al Polsha ókilderi AQSh-qa ushyp shyǵa almaı jatqanda, jekpe-jek ótkizgisi keletin 10 boksshydan ótinim tústi. Olar qazaqpen anaǵurlym az gonorarǵa aıqas ótkizýdi usyndy. Olar úshin bastysy, jekpe-jekke qol jetkizip, aqsha tabý edi», - dedi Andjeı Vasılevskı «Przegląd Sportowy»-ǵa.

Eske salaıyq, Golovkın – Sheremeta kezdesýi 18 jeltoqsan kúni AQSh-ta, Gollıvýdta ótedi.