QazAqparattyń shef-redaktorlary «Halyq alǵysy» medalimen marapattaldy

NUR-SULTAN. QazAqparat – «QazAqparat» HAA shef-redaktorlary Baqytjan Erbasov pen Janar Smaılova «Halyq alǵysy» merekelik medalimen marapattaldy.

Aıta ketsek, «Halyq alǵysy» medali QR Prezıdenti Qasym-Jomart Toqaevtyń Jarlyǵymen koronavırýs ınfektsııasymen kúreste kózge túsken azamattarǵa beriledi.

Medalmen nagradtaýǵa usynystardy Qazaqstan Respýblıkasynyń Prezıdentine QR Parlamenti palatalary, QR Úkimeti, QR Konstıtýtsııalyq Keńesi, QR Joǵarǵy Soty, mınıstrlikteri, ózge de ortalyq memlekettik organdary, Nur-Sultan, Almaty jáne Shymkent qalalarynyń, oblystardyń ákimderi, sondaı-aq qoǵamdyq birlestikter beredi.