«QazAqparattyń» kóz aldyndaǵy KÓRІKTІ MEKEN - AıAÝLY ASTANA! (FOTO)
ASTANA. QazAqparat. Qazaqstan aqparat keńistiginiń negizgi uıymy «QazAqparat» Halyqaralyq aqparat agenttiginiń qurylǵanyna búgin 94 jyl tolyp otyr. Bir ǵasyrǵa jýyq ǵumyry bar buqaralyq aqparat quralynyń ár kúni - tarıh, ár jazbasy - qattalǵan el shejiresiniń bolashaq qazynasy.
Qazaqstannyń júregi, bar qazaqtyń maqtanyshy aıaýly ASTANA «QazAqparattyń» kóz aldynda kórkeıdi. Elbasy óz qolymen turǵyzǵan ajarly Astanamyzdyń ár kóshesindegi qalt etken ózgeristi múlt jibermeı dúıim jurtqa, tipti jer-jahanǵa qýana jar salyp, jaqsylyqty jarııa etýge asyǵatyn da osy - QazAqparat. Búgin qyzmetine 94 jyl tolyp otyrǵanyna baılanysty el maqtanyshy Astana qalasy týraly nazarlaryńyzǵa agenttik fototilshileri ár jyldary túsirgen sýretterden arnaıy fotoreportaj usynamyz.
Jalpy, 94 jyl qyzmetinde aqparat agenttiginde san salany qamtıtyn sýretter qory jasaqtaldy. Bul kúnde «QazAqparattyń» foto muraǵatynda 1 000 000-ǵa jýyq foto bar eken. Muny elimizdiń fotosýret shejiresi deýge bolatyndaı. Bul salada óz isiniń has sheberleri ár jyldary jumys jasady. Olar: Anatolıı Ýstınenko, ıÝrıı Bekker, Iosıf Býdnevıch, Erkebulan Nurjanov, Mıhaıl Chýmın, Nıkolaı Kýznetsov, Valerıı Shıpýlın. Fotografııa salasynyń metri Aleksandr Pavskıı agenttikte qyzmetin jalǵastyryp kele jatsa, Muhtar Holdorbekov pen Vıktor Fedıýnın - agenttiktiń búgingi fotoshejiresin jasaýshylar.
Olaı bolsa, «QazAqparat» fototilshileri túsirgen Astana týraly estelik sýretterdi tamashalańyzdar. «QazAqparattyń» búgingi qýanyshy barshamyzǵa qutty bolsyn!
