QazAqparattyń fototilshisi ústel tennısinen Senat Kýbogyn jeńip aldy
ASTANA. QazAqparat - Búgin Astanada jýrnalıster arasynda ústel tennısinen QR Parlamenti Senatynyń kýbogy úshin alǵashqy týrnır ótti. Baılanys jáne aqparat salasy qyzmetkerleriniń kúnine arnalǵan jarysqa elordadaǵy buqaralyq aqparat quraldarynyń ókilderi qatysty, dep habarlaıdy QazAqparat palatanyń baspasóz qyzmetine silteme jasap.
«Baılanys jáne aqparat salasy qyzmetkerleriniń kúni qarsańynda elimizdiń jetken jetistikterin, Parlament jumysyn, saıası, áleýmettik-ekonomıkalyq reformalardy halyqqa jetkizýdegi sizderdiń eńbekterińiz erekshe ekenin rızashylyqpen atap ótkim keledi. Ústel tenısinen jýrnalıster arasyna ótken jarys tartysty ári qyzyqty shara boldy. «Sport» - aǵylshyn tilinen aýdarǵanda «oıyn, kóńil kóterý» degendi bildiredi. Oı eńbeginiń maıtalmandaryna búgin óz sheberlikterin tanytýǵa ári merekede kóńil sergitýge múmkindik týdy», - dedi senator Darhan Káletaev.
Jarys nátıjesi boıynsha, «QazAqparat» Halyqaralyq aqparat agenttiginiń fototilshisi Dáýren Muhamedjanov Parlament Senaty týrnıriniń jeńimpazy ári kýbogynyń ıegeri atandy. Jýrnalıstıka ardageri, pýblıtsıst Qaınar Oljaı - ekinshi, «Qazaqstan» teleradıokorporatsııasynyń tilshisi úshinshi oryn aldy.
Týrnırdiń barlyq jeńimpazdary men qatysýshylary QR Ústel tennısi federatsııasynyń setıfıkattarymen jáne aqshalaı syıaqylarymen marapattaldy. Syılyqtardy depýtat Darhan Káletaev pen Mádenıet jáne sport vıtse-mınıstri Sáken Musaıbekov tabystady.
Іs-sharaǵa QR Ulttyq olımpıada komıteti qoldaý bildirdi.
