QazAqparattyń 100 jyldyq joly – Qazaqstannyń tarıhı jylnamasy - AZERTADJ Basqarma tóraǵasy

BAKÝ. QazAqparat – AZERTADJ Basqarma tóraǵasy Aslan Aslanov «QazAqparat» halyqaralyq aqparat agenttigin 100 jyldyq mereıtoımen quttyqtady, dep habarlaıdy QazAqparat.

«Qurmetti Asqar Ýmarov jáne qymbatty áriptester! AZERTADJ ujymynyń atynan jáne jeke ózimniń atymnan Sizderdi «QazAqparattyń» 100 jyldyq mereıtoıymen quttyqtaımyn.

Óńirdiń mańyzdy jańalyqtar agenttikteriniń biri «QazAqparattyń» júz jyldyq damý joly Ázerbaıjan úshin dostyq jáne baýyrlas el - Qazaqstannyń tarıhı jylnamasyn kórsetedi. Agenttiktiń álemdik aqparat keńistiginde ekinshi júz jyldyqqa nyq qadam basýy progreske jańa paraq ashyp jatqanyn bildiredi.

AZERTADJ ben QazAqparat uzaq ýaqyt boıy tyǵyz dostyq baılanys pen yntymaqtastyqty jalǵastyryp keledi, Azııa men Tynyq muhıty elderiniń jańalyqtar agenttikteri uıymy men basqa da halyqaralyq aqparattyq uıymdar sheńberinde yntymaqtasyp, bir-birine qoldaý kórsetýde», - dedi Aslan Aslanov.

Ol aqparattyq saladaǵy tyǵyz seriktestik qarym-qatynasymyz aldaǵy ýaqytta da baýyrlas eki el arasyndaǵy baılanystardy odan ári nyǵaıtýǵa, bizdiń elder arasyndaǵy barlyq salalardaǵy yntymaqtastyqty tereńdetýge úles qosatynyna senimdi ekenin jetkizdi.

«Búginde túrki áleminiń birligi men yntymaǵy burynǵydan da qatty qajet. Biz, buqaralyq aqparat salasynyń qyzmetkerleri, bul syn-qaterge birlesken kúsh-jigermen toıtarys bere alamyz. «QazAqparat» jáne «AZERTADJ» sııaqty qurdas agenttikter buǵan daıyn dep sanaımyn. Sizderdi mereıtoımen taǵy da quttyqtaı otyryp, «QazAqparattyń» barlyq qyzmetkerlerine densaýlyq, tabys tileımin.

Júz jyldyq qutty bolsyn!», - dedi Aslan Aslanov.