QazAqparatta naǵyz talantty tilshiler qyzmet atqaryp keledi – TASS agenttiginiń basshysy
«Qurmetti Asqar Qýanyshuly, qymbatty áriptester, dostar!
Reseıdiń TASS aqparat agenttigi Sizderdi jáne «QazAqparat» Halyqaralyq aqparat agenttiginiń ujymyn bir ǵasyrlyq mereıtoıymen shyn júrekten quttyqtaıdy. QazAqparat álemniń jańalyqtar qyzmetteri arasynda laıyqty ornyn alyp otyr. Agenttikterińiz aýqymdy aýdıtorııa aldynda eń bedeldi ári senimdi aqparat kózi retinde abyroıyn saqtap kele jatqanyna 100 jyl tolyp otyr. Sizder Qazaqstan Respýblıkasynyń óńirlik jáne álemdik aqparat keńistiginde oryn alýyna qýatty negiz qurap otyrsyzdar.
Ujymnyń kásibı sheberligin erekshe atap ótkim keledi. Agenttikte buryn da qazir de naǵyz talantty, myqty tilshiler qyzmet atqarýda. TASS pen QazAqparatty tarıhtyń ortaq betteri ǵana emes, bizdi strategııalyq seriktestik biriktirip otyr. Bizdiń jańalyqtar qyzmetteri arasynda naǵyz dostyq qatynas ornaǵanyn maqtan etemin. Bizdiń tilshilerimiz, foto jáne vıdeo reporterlerimizdiń ózara aqparat, tájirıbe almasýy men tyǵyz baılanysta bolýy qashanda olardyń kásibıligi men joǵary jaýapkershiligin tanytqan. Álemdik alańda turaqty kezdesýlerimiz jahandyq aqparattyq problemalardy sheshýge ortaq amaldar tabýǵa múmkindik beredi.
2020 jyl – Dostastyq halyqtary úshin erekshe jyl. Biz Uly Otan soǵysyndaǵy jeńistiń 75 jyldyǵyn atap ótýdemiz. Osyǵan baılanysty TASS pen QazAqparattyń TMD Aqparattyq keńesi aıasyndaǵy jemisti yntymaqtastyǵyn atap ótkim keledi. Jalpyaqparattyq jobalar qashanda qoldaýlaryńyzǵa ıe bolyp keledi.
«QazAqparat» Halyqaralyq aqparat agenttiginiń ujymy aldaǵy 100 jylda da tamasha kásibı dástúrlerin senimdi túrde damytyp, jýrnalıstıkanyń eń joǵary standarttaryn tanytyp otyratynyna senimdimin.
Qymbatty áriptester, «Armansyz adam – qanatsyz quspen teń» degen qazaq maqaly bar ǵoı. TASS ujymy sizderge oılaǵan nárseniń barlyǵynyń oryndalýy men eń órshil bastamalardyń iske asyrylýyn tileıdi. Sizderge amandyq, gúldený jáne jańa shyǵarmashylyq tabystar tileımiz», - dedi TASS agenttiginiń Bas dırektory.
